बिराट कोहलीले पाए सुत्केरी बिदा


क्रिकेट

काठमाडौं : अष्ट्रेलिया भ्रमणमा रहेका भारतिय क्रिकेट कप्तान बिराट कोहलीले सुत्केरी बिदा पाउने भएका छन् । बिराट अस्ट्रेलियासँगको एकदिवसीय र ट्वान्टी ट्वान्टी शृंखला पछि पछिलो टेस्ट खेलेर भारत फर्कने छन् ।

कोहलीकी पत्नि नायिका अनुष्का शर्मा गर्भवती रहेकी छिन् । उनीहरुको बच्चाले जनवरीमा जन्म लिने भएका कारण आफ्नो पहिलो सन्तानको जन्मका समयमा बिराट अनुष्कासँग नै रहन चाहेका कारण उनलाई बिसीसीआईले सुत्केरी बिदा दिन लागेको हो ।

यूएईमा भएको आईपीएलमा अनुष्का बिराटसँग देखिएकी थिईन् तर यतिबेला अनुष्का भारतमा छिन् भने कोहली अष्ट्रेलिया रहेका छन् । बीसीसीआईले नियमित क्याप्टेन विराट कोहलीलाई १७ डिसेम्बरबाट सुरु हुने पहिलो टेष्ट पछि घर फर्कन अनुमति दिएको छ । त्यस्तै बिराटको स्थानमा भरपर्दा ब्याट्सम्यान रोहित शर्मालाई टेष्ट टीममा समावेश गर्दै बीसीसीआईले बाँकी तीन वटा टेष्टको कमानी भने अजन्क्या रहानेलाई दिएको छ । चोटका कारण शर्मा ट्वान्टी–२० र वान डे टिममा भने छैनन् ।

दिल्लीले अर्को शिजनको आईपिएलमा पनि सन्दिपलाई खरिद गर्ने संकेत दियो

नेपाललाई बिश्वकपमा पुर्याउने पुबुदुले भने : ‘म पुन: नेपाली क्रिकेट टिमको कोच बन्न चाहन्छु’

बिग ब्यास लिगको नियममा ठुलो परिवर्तन, सन्दिप लामिछानेलाई फाईदा नै फाईदा

सन्दिपले बिग ब्यासका सुरुवाति चार खेल खेल्न नपाउने, यस्तो छ कारण

मुम्बई इण्डियन्सका क्याप्टेन शर्माले चोटका कारण आईपीएलका चार खेल गुमाएका थिए । वान डे र ट्वान्टी–२० सिरिजको कमानी भने कोहलीले नै गर्नैछन् । अस्ट्रेलिया भ्रमणमा निस्कने इण्डियाले २७ नोभेम्बरदेखि १५ जनवरीसम्म ३–३ म्याचको वान डे र ट्वान्टी–२० तथा ४ म्याचको टेष्ट सिरिज खेल्नेछ ।

भारतीय टी-२० टिम : विराट कोहली (कप्तान), शिखर धवन, मयंक अग्रवाल, केएल राहुल, श्रेयस अय्यर, मनिष, हार्दिक पांड्या, सञ्जु सामसन, रवीन्द्र जडेजा, वाशिंगटन सुन्दर, युजवेन्द्र चहल, जसप्रीत बुमराह, मोहम्मद शामी, नवदीप सैनी, दीपक चहर र वरुण चक्रवर्ती ।

एकदिवसीय टोली : विराट कोहली (कप्तान), शिखर धवन, शुभमन गिल, केएल राहुल, श्रेयस अय्यर, मनिष पाण्डे, हार्दिक पांड्या, मयंक अग्रवाल, रवीन्द्र जडेजा, युजवेन्द्र चहल, कुलदीप यादव, जसप्रीत बुमराह, मोहम्मद शामी, नवदीप सैनी र शार्दुल ठाकुर ।

टेस्ट टीम : विराट कोहली (कप्तान), रोहित शर्मा, मयंक अग्रवाल, पृथ्वी शा, केएल राहुल, चेतेश्वर पुजारा, अजिंक्य रहणे, हनुमा विहारी, शुभमन गिल, ऋद्धिमान शाह, ऋषभ पन्त, जसप्रीत बुमराह, मोहम्मद शामी, उमेश यादव, नवदीप सैनी, कुलदीप यादव, रवीन्द्र जडेजा, आर अश्विन र मोहम्मद सिराज ।