दोस्रो वनडेमा अष्ट्रेलियन बलरको धुलाई गर्दै किङ कोहलीले बनाए यस्तो गजबको किर्तिमान


क्रिकेट

काठमाडौं : भारतविरुद्धको दोस्रो वान डे क्रिकेटमा अष्ट्रेलिया ५१ रनले विजयी भएको छ । योसँगै अष्ट्रेलियाले ३ म्याचको सिरिज एक खेल अगावै आफ्नो पक्षमा पारेको छ । पहिलो वान डेमा अष्ट्रेलिया ६६ रनले विजयी भएको थियो । अष्ट्रेलियाले दिएको ३ सय ९० रनको उच्च लक्ष्य पछ्याएको भारतले निर्धारित ओभरमा ९ विकेट गुमाएर ३ सय ३८ रन मात्र बनाउन सक्यो ।

क्याप्टेन बिराट कोहलीले ८९ र लोकेश राहुलले ७६ रन बनाएपनि इण्डियाले सिरिज जोगाउन भने सकेन । भारतलाई कम स्कोरमै रोक्न क्याट क्युमिन्सले ३ तथा जोस हाजलउड र एडम जाम्पाले समान २–२ विकेट लिए ।

यसअघि सिड्नीमा पहिला व्याटिङ गरेको घरेलु टोली अष्ट्रेलियाले निर्धारित ओभरमा ४ विकेट गुमाएर ३ सय ८९ रनको योगफल बनाएको थियो । स्टेभन स्मिथले १ सय ४ रन बनाएको कंगारु इनिङ्समा डेभिड वार्नरले ८३, मार्नुस लाबुस्चेनले ७० र एरोन फिन्चले ६० रन बनाए । तेस्रो तथा अन्तिम वान डे बिहीबार क्यानबेरामा हुनेछ ।

विराटले बनाए विश्व कीर्तिमान

यो खेलमा भारतीय क्रिकेट टिमका कप्तान विराट कोहलीले विश्व कीर्तिमान बनाएका छन् । कोहली अन्तर्राष्ट्रिय क्रिकेटमा सबैभन्दा छिटो २२ हजार रन पूरा गर्ने विश्वको पहिलो ब्याट्सम्यान बनेका छन् । विराटले यो उपलब्धि सिड्नी क्रिकेट मैदानमा अष्ट्रेलियाविरुद्धको दोस्रो एकदिवसीय खेलमा हासिल गरेका हुन्।

अष्ट्रेलियाविरुद्ध विराटले ७८ रन बनाउँदा अन्तर्राष्ट्रिय क्रिकेटमा २२ हजार रन पूरा गरे। टी–२०, एकदिवसीय र टेस्ट तीनै ढाँचामा २२ हजार रन बनाएका छन्। कोहली विश्वको पहिलो ब्याट्सम्यान हुन्। जसले अन्तर्राष्ट्रिय क्रिकेटमा सबैभन्दा छिटो १० हजार, ११ हजार, १२ हजार, १३ हजार, १४हजार, १५ हजार, १६ हजार, १७ हजार, १८ हजार, १९ हजार, २० हजार, २१ हजार र २२ हजार रन बनाए।

अष्टेलियाविरुद्ध विराट कोहली ८७ बलमा ८९ रन बनाएर आउट भए। विराटले आफ्नो अन्तर्राष्ट्रिय करियर ७१औं शतक बनाउनबाट चुके। कप्तान कोहली शतक बनाउन ११ रनले चुकेका हुन्। उनलाई जोश हेजलउडले मोइसिस हेनरिक्विसले उत्कृष्ट क्याच गरे।