खेलको बिचमै अष्ट्रेलियन युवतिलाई भारतिय युवाले गरे बिहेको प्रस्ताब… म्याक्सवेलले बजाए तालि ( भिडियो हेर्नुस )


क्रिकेट

काठमाडौं, मंसिर १४ : भारत र अस्ट्रेलियाबीचको दोस्रो एकदिवसीय खेलमा क्रिकेटप्रेमीको एक जोडीले सबैको ध्यान खिचेका छन्। सिड्नी रंगशालामा खेल हेर्न पुगेका एक भारतीय समर्थकले आफ्नी अस्ट्रेलियन प्रेमिकालाई औंठी दिएर विवाहका लागि प्यारापिटमै प्रस्ताव गरेका हुन्।

ती अस्ट्रेलियन युवतीले उक्त प्रस्तावको स्वीकार गरेकी छिन्। अस्ट्रेलियाले दिएको ३८० रनको लक्ष्य पछ्याउँदै भारतले ब्याटिङ गरिरहँदा भारतीय समर्थकले राखेको प्रस्ताव ती युवतीले स्वीकार गरेपछि फिल्डिङ गरिरहेका अस्ट्रेलियन खेलाडी ग्लेन म्याक्सवेलले ताली बजाएका थिए। उक्त दृष्यअस्ट्रेलिया क्रिकेटले सामाजिक सञ्जालमा पोस्ट गरेको छ।

भारतीय टिमले अस्ट्रेलिया भ्रमणका दौरान तीन खेलको एकदिवसीय सिरिजका साथै तीन खेलको टी–२० सिरिज र दुई खेलको टेस्ट सिरिज खेल्नेछ। पहिलो एकदिवसीय खेलमा भारत पराजित भएको थियो।

दोस्रो खेलमा पनि अस्ट्रेलिया विजयी

अस्ट्रेलियासँगको एकदिवसीय सिरिजमा भारत पराजित भएको छ। पहिलो एकदिवसीय ६६ रनले हारेको भारतले दोस्रो खेल ५१ रनले गुमाएको हो। ३ सय ९० रनको लक्ष्य पछ्याएको भारतले पूरा ओभर खेल्दै ९ विकेट जाँदा ३ सय ३८ रन मात्र बनाउन सक्यो। सिरिजको तेस्रो खेल आउने बुधबार हुनेछ।

आइतबार सिड्नीमा भएको खेलमा अस्ट्रेलियाले टस जितेर ब्याटिङ रोज्दै पूरा ओभरमा ४ विकेट गुमाएर ३ सय ८९ रन बनाएको थियो। स्टेभेन स्मिथले ६४ बलमा १ सय ४ रन बनाएका थिए। यसअघि सिरिजको पहिलो खेलमा पनि उनले शतक नै बताएका थिए। यस्तै डेभिड वार्नरले ७७ बलमा ८३ रन, आरोन फिन्चले ६९ बलमा ६०, मार्नस लाबसकाग्नेले ६१ बलमा ७० रन साथै ग्लेन म्याक्सवेलले २९ बलमा ६३ रन बनाए।

भारतका लागि कप्तान विराट कोहलीले ८७ बलमा ८९ रन बनाए। मयंक अग्रवालले २६ बलमा २८ रन, शिखर धावनले २३ बलमा ३०, श्रेयस ऐयरले ३६ बलमा ३८ रन, के एल राहुलले ६६ बलमा ७६ रन, हार्दिक पाण्ड्याले ३१ बलमा २८ रन साथै रविन्द्र जडेजाले ११ बलमा २४ रन बनाए। आउने बुधबार हुने तेस्रो एकदिवसीय पछि भारत र अस्ट्रेलियाले तीन खेलको टी ट्वान्टी सिरिजका साथै चार खेलको टेस्ट सिरिज पनि खेल्नेछन्।