किङ रोनाल्डो चम्किदा बार्सिलोनाई उसकै घरमै यभेन्टसले धुल चटायो, मेसिले केहि गर्न सकेनन्


खेलकुद

काठमाडौँ : युरोपियन च्याम्पियन लिग फुटबलमा इटालियन क्लब युभेन्टसले स्पेनिस ब्लक बार्सिलोनालाई उसकै घरेलु मैदानमा पराजित गरेको छ । क्रिस्टियानो रोनाल्डो चम्किएपछि युभेन्ट्सले बार्सिलोनालाई ३–० गोल अन्तरले पराजित गरेको हो । मंगलबार राति भएकाे च्याम्पियन्स लिगको समूह जीको अन्तिम खेलमा युभेन्ट्स जित हात पार्दै शीर्ष स्थानका साथ नकआउट चरणमा प्रवेश गरेको छ । युभेन्ट्सको जितमा रोनाल्डोले दुई गोल गरे ।

सन् २०१८ मा रोनाल्डोले रियल मड्रिड छाडेपछि पहिलो पटक मेस्सी नेतृत्वको बार्सिलोनाविरुद्ध उत्रिएका थिए । मेस्सी र रोनाल्डोको भिडन्तको रुमपा हेरिएको खेलमा युभेन्ट्सका स्टारले स्पेनमा पुन आफ्नो जादु देखाएका छन् ।

रोनाल्डोको पेनाल्टी गोल मार्फत पाहुना टोली युभेन्ट्सले खेलमा अग्रता लिएको थियो । वेस्टन म्यानकेनीले त्यसको ७ मिनेटपछि युभेन्ट्सको अग्रता दोब्बर बनाउने काम गरे । रोनाल्डोले ५२ औं मिनेटमा पेनाल्टीमा दोस्रो गोल गर्दै युभेन्ट्सलाई ३–० को जित दिलाएका थिए ।

रोनाल्डोले च्याम्पियन्स लिगमा १ सय ३४ गोल संख्या पुरा गरेका छन् । सन् २०१६ पछि समूह चरणमा बार्सिलोनाले पहिलो पटक हारेको हो । समूह जीमा युभेन्ट्स र बार्सिलोनाले समान १५ अंक बटुले । जितले युभेन्ट्सलाई समूहको शीर्ष स्थानमा राख्दै नकआउट चरण पुर्याएको छ । बार्सिलोना समूह उपविजेताको रुपमा अन्तिम १६ मा प्रवेश गरेको छ । सोही समूहको अर्को खेलमा डायनामो किभले फेरेन्कोव्रोसी टीसीलाई १–० गोल अन्तरले पराजित गर्यो ।