मिस नेपाल देखि प्रचण्डकी नातिनीसम्म… गौतमबुद्ध रंगशालामा क्रिकेट खेल्ने


खेलकुद

काठमाडौं । चितवनको भरतपुरमा निर्माणाधीन गौतम बुद्ध अन्तर्राष्ट्रिय क्रिकेट रंगशाला निमार्णको सहयोगका लागि च्यारिटी खेल हुने भएको छ । ‘निमार्णका लागि खेलौं’ भन्ने नाराका साथ माघको अन्तिमतिर राष्ट्रिय क्रिकेट खेलाडी र स्टार कलाकारबीच मैत्रिपूर्ण खेल हुन लागको हो।

स्टार क्रिकेट २०२१ नाम दिइएको यो खेल ग्रिष्मा बोर्डकास्टिङको आयोजना गर्न लागेको हो जसमा धुर्मुस सुन्नली फाउन्डेसन र भरतपुर महानगरपालिकाको पनि सहकार्य हुनेछ ।

माघ २४ गते हुने यो खेलमा राष्ट्रिय क्रिकेट खेलाडीको तर्फबाट पूर्वकप्तान पारस खड्का सहित स्टार खेलाडी मैदानमा उत्रनेछन् र कलाकारको तर्फबाट सन्दिप क्षेत्री, प्रमोद खरेल र रामकृष्ण ढकाल लगायत मैदानमा उत्रिनेछन् ।

कोरोना महामारीबीच पनि धुर्मुस सुन्तली फाउन्डेसनले रंगशालाको निमार्णलाई निरन्तरता दिइरहेको छ । मैदानको प्यारा फिट तर्फको सबै पिल्लर उठाउने कार्य सम्पन्न भइसकेको छ । मुख्य मैदानमाको ८५ प्रतिशत काम पूरा भएको छ । आर्थिक अभाव नभए अबको १८ महिना भित्र रंगशालको निर्माण सम्पन्न गर्ने लक्ष्य फाउन्डेशनले लिएको छ ।