विश्वका एक सय उत्कृष्ट नर्स तथा मिडवाइफको सूचीमा नेपालका ४ जना नर्स


स्वास्थ्य

काठमाडौं : विश्वका एक सय उत्कृष्ट नर्स तथा मिडवाइफको सूचीमा नेपालका ४ जना छनोट भएका छन् । नर्स तथा मिडवाइफ अन्तर्राष्ट्रिय वर्ष २०२० का अवसरमा विश्व स्वास्थ्य संगठन, यूएनएफपीए, अन्तर्राष्ट्रिय नर्सिङ परिषद् तथा अन्तर्राष्ट्रिय मिडवाइफ संघले संयुक्त रुपमा नेपालका ४ जनासहित एक सय जनालाई सूचीकृत गरेको हो ।

सूचीमा नेपालका २ जना नर्स तथा २ जना मिडवाइफ एक सय उत्कृष्ट नर्स तथा मिडवाइफको सूचीमा पर्न सफल भएका हुन् । कोरोना महामारीको समयमा मिडवाइफ तथा नर्सहरु अग्रपंक्तिमा खटिएर बिरामीको सेवा गरेबापत सूचीमा सूचिकृत गरिएको वुमन इन ग्लोबल हेल्थ नामक संस्थाले आफ्नो वेबसाइटमा लेखेको छ ।

एक सय जना उत्कृष्ट नर्स तथा मिडवाइफको सूचीमा नेपालबाट मिडवाइफ प्रशंसा बुढा लामा र रुकुमणी त्रिपाठी, नर्स दुर्गा सापकोटा र सुष्मा योञ्जन रहेका छन् ।