भारतीय पूर्वराजदूत पुरीको खुलासा, भन्छन् : ‘ओलीले राजसंस्था फर्काउदै छन्’


समाचार

काठमाडौँ। नेपालमा बदलिदो राजनीतिक घटनाक्रमबारे टिप्पणी गर्दै नेपालका लागि भारतका पूर्व राजदूत मन्जीव सिंह पुरीले नेपालमा राजसंस्था फर्किने सम्भावनालाई नकार्न नासिकिने बताएका छन्। भारतीय राष्ट्रिय दैनिक ‘दी ट्रीब्यून’मा एक आलेख लेख्दै पुरीले अहिलेको घटनाक्रम हेर्दा नेपालमा राजसंस्था पुनस्थापनाको जबर्दस्त सम्भावना रहेको बताएका हुन्।

पुरीले पूर्वराजा र प्रधानमन्त्री केपी शर्मा ओली बीच सम्झौता भएको हुनसक्ने कुरालाई नकार्न नसकिने बताएका छन्। उनले लेखेका छन्, राजतन्त्र अन्त्यपछिको एक दशकसम्म पूर्व राजा चुपचाप रहेको भए पनि पछिल्लो समय राजतन्त्रवादहिरुको देशव्यापी प्रदर्शनपछि भने नेपालमा सरकार र पूर्व राजा वा उनका पक्षधरसँग कुनै सम्झौता हुन सक्छ। पूर्व राजा वा उनका समर्थकसँग सम्झौताको सम्भावना अस्वीकार गर्न सकिदैन।’

ओलीले पहिले पनि संस्कृतिक राजाको पक्षमा आफू रहेको बताउदै आएको भन्दै पूर्वराजा र ओली बीच राजसंस्था फर्काउने सहमति भएको हुनसक्ने पुरीको बुझाई देखिन्छ। उनि लेख्छन्, ‘विगतमा प्रधानमन्त्री ओलीले आफू सांस्कृतिक राजतन्त्रका लागि खुला रहेको बताएका थिए।’

पुरीले संसद विघटन कांग्रेसका लागि ‘गड सेन्ड'(भगवानले दिएको) विश्लेषण गर्दै उनले यसले कांग्रेसलाई निर्धारित समयभन्दा अगावै सरकारमा जाने अवसर सृजना गरेको बताएका छन्। यसले कांग्रेस सभापति शेरबहादुर देउवालाई आफ्नै पार्टीमा भइरहेको नेतृत्वको आलोचना मत्थर पार्न पनि सघाउने पुरीको विश्लेषण छ।