आईपिएल अक्सन : राजस्थान रोयल्सले किङ स्टिभ स्मिथलाई रिलिज गर्ने


क्रिकेट

एजेन्सी- आईपीएलको फ्रेन्चाइज टिम राजस्थान रोयल्सले कप्तान स्टिभ स्मिथलाई रिलिज गर्ने भएको छ । आईपीएलको नयाँ मेगा अक्सनअघि राजस्थानले कप्तान स्मिथलाई रिलिज गर्ने जनाएको हो ।

ईएसपीएनक्रिकइन्फोका अनुसार स्मिथलाई राजस्थानले अक्सनमा पठाउने तयारी गरेको जनाएको हो । तर, राजस्थानले औपचारिक रुपमा केही बताएको छैन ।

आईपीएलले टिमलाई खेलाडी रिलिज र रिटेनको मिति जनवरी २० सम्मको दिएको छ । आईपीएलले अक्सन फेब्रुअरी ११ मा गर्ने तयारी गरेको जनाएको छ । गत सिजन स्मिथले १४ खेलमा ३ सय ११ रन बनाएका थिए ।

एपिएफको कप्तानी शरद भेषवाकरले गर्ने

माघ २ देखि १७ गतेसम्म काठमाडौंमा हुने प्रधानमन्त्री कप राष्ट्रिय पुरुष क्रिकेट प्रतियोगिताका लागि विभागीय टोली नेपाल एपिएफ क्लबले शरद भेषवाकरको कप्तानीमा १५ सदस्यीय टोली घोषणा गरेको छ ।

कीर्तिपुर र मुलपानी क्रिकेट मैदानमा हुने प्रतियोगितामा ७ प्रदेशसहित ३ विभागीय टोलीको सहभागिता हुनेछ । सहभागी टोलीलाई दुई समूहमा विभाजन गरिएको छ ।

समूह ‘ए’ मा कर्णाली प्रदेश, त्रिभुवन आर्मी क्लब, नेपाल एपिएफ क्लब, गण्डकी प्रदेश र प्रदेश–१ छन् । एपिएफले माघ ३ मा प्रदेश–१ सँगको खेलबाट प्रतियोगिताको सुरुवात गर्नेछ । समूह ‘बी’मा बागमतीसहित साविक विजेता नेपाल पुलिस क्लब, सुदूरपश्चिम, लुम्बिनी र प्रदेश–२ छन् ।

एपिएफको टोली : शरद भेषवाकर (कप्तान), सुवास खकुरेल, शंकर राना, सन्दीप जोरा, वसन्त रेग्मी, सुमित महर्जन, रित गौतम, कमलसिंह ऐरी, भुवन कार्की, सूर्य तामाङ, मोहम्मद आसिफ शेख, किशोर महतो, प्रदीप ऐरी, अभिनाश बोहरा र अमरसिंह राउटेला ।