भारतलाई झड्का ! आईसिसीले गरेको भोटिङमा ईमरान खानले कोहलीलाई चटाए धुल


क्रिकेट

नयाँ दिल्ली । अन्तर्राष्ट्रिय क्रिकेट काउन्सिल (आईसीसी) को एक सर्वेक्षणमा भारतीय क्रिकेट टिमका कप्तान विराट कोहली भन्दा पूर्व क्रिकेटर इमरान खान लोकप्रिय रहेको पाइएको छ। हालै गरिएको सर्वेक्षणमा कोहलीले ४६.६ भोट पाउँदा, इमरानले ४७.३ भोट पाएका हुन। पाकिस्तानी न्यूज च्यानलले यसलाई प्राथमिकताका साथ कभरेज गरेका छन्।

हाल पाकिस्तानका प्रधानमन्त्री रहेका खान पूर्व क्रिकेटर हुन। इमरान खान सर्वश्रेष्ठ कप्तान रहेको पाकिस्तानी मिडियाले उल्लेख गरेका छन्। मंगलबार देखि गरिएको यस सर्वेक्षणमा पाकिस्तानी प्रधानमन्त्री खानले भारतीय कप्तान विराट कोहलीलाई ०.९ को अंतरले जितेका हुन।

यसैबीच, पाकिस्तानी प्रधानमन्त्री इमरान खानले सामाजिक सञ्जालमा आफ्नो ३२ वर्ष पुरानो फोटो शेयर गरेका छन्। यस फोटोमा उनी खैरो रंगको स्वेटर लगाएर क्यामेरा अगाडि मुस्कुराईरहेको अवस्थामा देखिन्छन्। उक्त फोटोमा धेरैले लाइक गरेका छन्।

 

खानले १९९२ को विश्वकप क्रिकेटमा उपाधि जित्ने पाकिस्तानी टिमको कप्तानी गरेका थिए। पाकिस्तानका लागि उनले ८८ टेस्ट खेलमा ३८ सय ०७ रन, १ सय ७५ एकदिवसीय खेलमा ३ हजार ७ सय ९ रन स्कोर गरेका छन्। खानले बेलायतमा ५ वर्षसम्म वर्सिस्टस्राइनबाट काउन्टी क्रिकेट खेलेका थिए । विद्यार्थी जीवनमा उनी अक्सफोर्ड विश्वविद्यालयको टोलीका सदस्य थिए।