सन्दिपले विकेट लिन नसकेपनि होबार्टको जित, यस्तो रह्यो सन्दिपको प्रदर्शन


क्रिकेट

काठमाडौँ । बिग बाश लिग अन्तर्गत होबार्ट हुरीक्यान्सले छैटौं जित हासिल गरेको छ । सोमबार भएको खेलमा हुरीक्यान्सले सिड्नी थण्डरलाई ६ विकेटले पराजित गरेको हो ।

सिड्नीले दिएको एक सय ७८ रनको लक्ष्य होबार्टले १८ ओभरमा ४ विकेट गुमाएर भेट्टायो। होबार्टको जितमा विकेटकिपर ब्याट्सम्यान बेन म्याकडर्मोटले शानदार ब्याटिङ गरे। उनले ५६ बलमा ८ चौका र ५ छक्कासहित सर्वाधिक ९६ रन बनाए।

यस्तै, डेविड मालनले ४२, डार्सी शर्टले ६ रन बनाउँदा कप्तान पीटर ह्यान्सकम्ब २१ र टिम डेभिड ७ रनमा अविजित रहे। ​बलिङमा तनवीर सांघाले २ तथा नाथन म्याकन्ड्र्यू र एडम मिलनेले एक–एक विकेट लिए। यस अघि सिड्नीले टस हारेर पहिला ब्याटिंग गर्दै २० ओभरमा ५ विकेट गुमाएर १७७ रन बनाएको थियो ।

यो जितपछि हुरीक्यान्सले ११ खेलमा २३ अंक हासिल गर्दै लिगमा चौथो स्थानमा उक्लिएको छ । हुरीक्यान्सले अहिलेसम्म ११ खेलमा ६ जित ५ हार बेहोरेको छ । त्यस्तै सिड्नी थण्डरको पनि ११ खेलमा २३ अंक नै रहेपनि लिगको दोस्रो स्थानमा रहेको छ ।

अब हुरीक्यान्सको अर्को खेल जनवारी २२ मा पर्थ स्कोर्चर्ससँग रहेको छ । सिड्नीविरुद्ध होबार्टमा आवद्ध नेपाली लेगस्पिनर सन्दीप लामिछाने विकेटविहीन बनेका छन्। ४ ओभर बलिङ गरेका सन्दीपले विकेट लिन सकेनन्। सन्दीप लगातार दोस्रो खेलमा विकेट विहीन बनेका हुन्।