यसकारण अष्ट्रेलियाबिरुद्धको चौथो टेस्टमा भारतले जित्न सक्दैन, अष्ट्रेलियाको जित पक्का


क्रिकेट

काठमाडौं, माघ ५ : अस्ट्रेलियाविरुद्धको चौथो तथा निर्णायक टेस्टमा भारतले खेल जित्न ३२८ रनको लक्ष्य पाएको छ। ब्रिसबेनमा भइरहेको टेस्टमा घरेलु टिम अस्ट्रेलिया दोस्रो इनिङ्ग्समा २९४ रनमा अलआउट भएपछि भारतले ३२८ रनको लक्ष्य पाएको हो।

भारतले सोमबार चौथो दिन दोस्रो इनिङ्ग्स ब्याटिङ सुरु गरेको छ। चौंथो दिनको समाप्तीमा बिनाविकेट क्षतिमा ४ रन बनाएर क्रिजमा छ। भारतका शुभमान गिल र रोहित शर्माले ओपनिङ गरेका छन्।

ब्रिस्बेनमा अहिलेसम्म कुनै पनि टिमले २५० बढी रन भेट्टाउन सकेका छैनन्। यहाँ अहिलेसम्म सर्वाधिक २ सय ३६ रनको लक्ष्य चेज गरेको रेकर्ड छ। यो उपलब्धि अस्ट्रेलियाकै नाममा छ। अस्ट्रेलियाले नोभेम्बर १९५१ मा वेस्ट इन्डिजलाई ३ विकेटको जित निकालेको थियो।

त्यसैले अब यो खेल भारतले जित्ने सम्भावना छैन र अष्ट्रेलियाले जित्ने पक्का जिस्तै छ । पाँचौ दिन भारतले बराबरी गर्नु उदेश्यले मैदानमा उत्रिनेछ । दोस्रो इनिङमा अस्ट्रेलियाका लागि स्टेभिन स्मिथले ५५ रन र डेभिड वार्नरले ४८ रनको योगदान दिए। बलिङमा भारतका मोहमद सिराजले ५ विकेट लिए। शार्दुल ठाकुरले ४ विकेट लिन सफल भए।

त्यसअघि पहिलो इनिङ्ग्समा अस्ट्रेलियाले ३६९ रन जोड्दा भारत ३३६ रनमा अलआउट भएको थियो। अस्ट्रेलियाका लागि पहिलो इनिङमा मार्नस लबुसेनले १०८ रनको योगदान दिँदा बलिङमा भारतका टी नटराजन, शार्दुल ठाकुर र वासिङटन सुन्दरले ३-३ विकेट लिएका थिए।

भारतका लागि पहिलो इनिङ्ग्समा शार्दुल ठाकुरले ६७ र वासिङटन सुन्दरले ६२ रन जोडे। बलिङमा अस्ट्रेलियाका जोश हजलउडले ५ विकेट हात पारे। चार टेस्टको सिरिज १-१ को बराबरीको अवस्थामा छ। पहिलो टेस्टमा अस्ट्रेलिया विजयी हुँदा दोस्रो टेस्टमा भारतले जित निकालेको थियो। तेस्रो टेस्ट बराबरीमा सकिएको थियो।