दिल्लीले निकालेको भोलिपल्ट सन्दिपको चमत्कारी बलिङ, पर्थबिरुद्ध लिए दुई विकेट ( हेर्नुस भिडियो )


क्रिकेट

काठमाडौं, माघ ९ : अस्ट्रेलियाको बिग बाग लिगमा नेपालका युवा लेगस्पिनर सन्दीप लामिछानेले पर्थ स्कर्चर्सविरुद्धको खेलमा २ विकेट लिएका छन्। होबार्ट हरिकेन्सका बलर सन्दीपले शुक्रबार चार ओभरमा २ विकेट लिँदा २७ रन खर्चिए। उनले ७ बल डट फ्याँक्दा १ चौका र १ छक्का दिए।

सन्दीपले पर्थका ओपनिङ ब्याट्सम्यान लियाम लिभिङस्टोनलाई २६ रनमा क्याच आउट गराउँदै पहिलो विकेट लिए। यस्तै उनले मिचेल मार्सलाई ७ रनमा एलबिडब्लूको धरापमा पारे। यसअघि सन्दीप लगातार दुई खेलमा विकेटबिहीन बनेका थिए। त्यसअघिका तीन खेलमा उनले चार विकेट लिएका थिए।

मेलवर्नमा भइरहेको खेलमा पर्थले टस जितेर पहिले ब्याटिङ गरिरहेको छ। पर्थले १५ ओभरमा ५ विकेटको क्षतिमा १२० रन जोडेको छ। अंक तालिकामा पर्थ २४ अंक जोडेर दोस्रो स्थानमा छ भने होबार्ट २३ अंक जोडेर छैटौं स्थानमा छ।