काठमाडौं । नेपाली लेग स्पीनर सन्दीप लामिछानेले अष्ट्रेलियामा जारी बिग बास लिगमा शुक्रबार पर्थ स्कोरचर्सविरुद्ध २ विकेट लिएका छन् । होबार्ट हुरिकेन्सबाट बीबीएल खेलिरहेका लामिछानेले दुई खेलको विकेटविहीन यात्रा टुङ्गाएका छन् । पछिल्लो दुई खेलमा विकेट लिन नसकेका सन्दीपले शुक्रबार पर्थ स्कोरचर्स विरुद्धको खेलको आफ्नो पहिलो ओभरमै विकेट लिए ।
सन्दीपले जनवरी १२ मा पर्थसँग र जनवरी १८ मा सिड्नी थण्डरविरुद्धको खेलमा विकेट लिन असफल भएका थिए । सन्दीपले पर्थका ओपनर लियम लिभिङ्गसटोनलाई डेविड मालानबाट क्याचआउट गराए । यस्तै सन्दीपले आफ्नो दोस्रो ओभरमा मिचर्ल मार्सलाई एलबीडब्लु गरे ।
सन्दीपले पहिलो ओभरमा ९ रन खर्चे भने दोस्रो ओभरमा ५ रन खर्चिए । तेस्रो र चौथो ओभरमा भने सन्दीपले विकेट लिन सकेनन् । उनले तेस्रो ओभरमा ७ र चौथो ओभरमा ६ रन खर्चिए । सन्दीपले समग्रमा ४ ओभर बलिङ गर्दै २७ रन खर्चेर २ विकेट लिए । ७ बल डट फालेका सन्दीपले एक चौका र एक छक्का दिएका थिए ।
सन्दीपले यस सिजन बीबीएलमा ६ खेल खेल्दा ६ विकेट लिएका छन् । बुधबार मात्रै इन्डियन प्रिमियर लिग (आईपीएल)को फ्रेन्चाइज दिल्ली क्यापिटल्सले नयाँ सिजनअघि सन्दीपलाई रिलिज गरेको छ । अब आईपीएल १४ मा सन्दीप अक्सनमा जानेछन् ।
Sandeep gets his second and it’s the big scalp of Mitch Marsh!
Scorchers now four down 😮 #BBL10 pic.twitter.com/a8NBjuOGkw
— KFC Big Bash League (@BBL) January 22, 2021
It was a fast start for Liam Livingstone but he smacked this one straight to Dawid Malan! @ScorchersBBL now three wickets down in the seventh over #BBL10 pic.twitter.com/aTaRbBZu5F
— KFC Big Bash League (@BBL) January 22, 2021
