न्युज२४ छोडेपछि रवी लामिछानेले भने, “प्रधानमन्त्री बनेर जनताको सेवा गर्ने मन छ”


समाचार

काठमाडौं – चर्चित पत्रकार तथा न्युज २४ टेलिभिजनबाट प्रसारित ‘सिधाकुरा जनतासँग’ कार्यक्रमका संचालक रवि लामिछानेले न्युज २४ टेलिभिजन छोडेका छन्। लामिछानेसहित सम्पूर्ण टिमले बिहिबार राति छाडेका हुन्। लामिछानेले पांचवर्षसम्म उक्त टेलिभिजनमा काम गरेर धेरैकुरा सिकेको बताए। न्युज२४ टेलिभिजनकै कारण पनि आफूले यतिधेरै जनताको माया पाएको लामिछानेले बताए।

लामिछाने न्युज२४ टेलिभिजन छोड्दै गर्दा पत्रकारहरुसँग कुरा गर्दै आफू राजनीतिमा आउन सक्ने बताए । आफूलाई राजनीति गर्न नजाने पनि यदि समयले मागेको खण्डमा राजनीतिमा आउने उनले बताए । पत्रकारहरुले अब देशको प्रधानमन्त्री बन्नुपर्छ भन्ने जनताको चाहना छ भन्दै प्रश्न गरेपछि लामिछानेले देशको प्रधानमन्त्री बन्न सक्ने र जनताको सेवा गर्ने बताए।

बागमतीको लगातार तेस्रो जित, पृथुको अर्धशतक

प्रदेश २ लाई ६ विकेटले पराजित गर्दै बागमती प्रदेशले काठमाडौंमा जारी प्रधानमन्त्री कप एकदिवसीय क्रिकेट प्रतियोगितामा लगातार तेस्रो जित दर्ता गरेको छ । प्रदेश २ ले दिएको १ सय ८० रनको लक्ष्य ४ विकेट गुमाएर १० बल बाँकी छँदै पूरा गरेर बागमतीले लगातार तेस्रो जित निकालेको हो । बागमतीको जितमा पृथु बास्कोटाले अर्धशतकीय पारी खेले । उनले ७५ बलमा अविजित रहदै ५३ रन बनाए । पृथुको यो लगातार दोस्रो अर्धशतक हो ।\

यस्तै बिभत्सु थापाले ४७ रन जोड्दा आकाश थापाले ३२ रन बनाए । इशान पाण्डे १५ रन बनाउदा आदील खान ५ रनमा आउट भए । कप्तान ज्ञानेन्द्र मल्ल ७ रनमा अविजित रहे । बलिङतर्फ प्रदेश–२ का हरिशंकर शाहले २ विकेट लिए । विशाल सुसलिङ र कुमार थापाले १–१ विकेट लिए । यस अघि टस जितेर पहिले ब्याटिङ गरेको प्रदेश २ ले ४८ ओभर २ बलमा अलआउट हुँदै १ सय ७९ बनाएको थियो । उसका लागि विवेक यादवले ६६ अर्धशतकीय पारी खेले ।

यस्तै कुमार थापाले २२ रन जोड्दा राहुल प्रताप सिंहले १८ रन बनाए । सुधिर चौधरीले १५ र कप्तान सुरज कुर्मीले १३ रनमा आउट भए । प्रदेश–२ लाई सस्तैमा समेट्न बागमतीका गौतम केसीले ४ विकेट लिए । उनले मात्र २९ रन खर्चिए । रामनरेश गिरीले २ तथा नन्दन यादव, तिलक भण्डारी र विपिन आचार्यले १–१ विकेट लिए । जितसँगै बागमतीले ३ खेलमा ६ अंक जोड्दै समूह बी मा अंकतालिकाको शीर्ष स्थानमा छ ।