दिल्ली नखेलाएर के भयो ‘द हन्ड्रेड’ मा सन्दिपले पाउँनेछन् अहिलेसम्मकै सबैभन्दा धेरै मुल्य


क्रिकेट

काठमाडौं : नेपालका युवा स्टार सन्दीप लामिछानेले इंग्ल्यान्डमा हुने ‘द हन्ड्रेड’ क्रिकेट प्रतियोगिता खेल्ने भएका छन्। कोरोना भाइरसको महामारीका कारण करिब एक वर्ष पर धकेलिएको प्रतियोगिता सन्दीपले खेल्ने भएका हुन्।

यसअघि सन्दीपलाई ओभल इन्भिन्सिबल्सले रिटेन गरेपछि ‘द हन्ड्रेड’ क्रिकेट प्रतियोगिता खेल्ने भएका हुन्। ओभलले वेस्ट इन्डिजका अलराउन्डर सुनील नारिन र नेपालका स्पिनर सन्दीप लामिछानेलाई रिटेन गर्दा वेस्ट इन्डिजकै अलराउन्डर फावियन एलेनलाई भने रिलिज गरेको छ।

ओभल टिममा सन्दीप र सुनिलसँगै रिटेन हुने खेलाडीमा रोरी बुर्नस, साम कुरन, टोम कुरन, रिस टोप्ले, एलेक्लस ब्लाके, जासन रोय, नाथन सोटर, साम विलिङ्स, लाउरी इभान्स, विल ज्याक्स रहेका छन्।

‘द हन्ड्रेड’ क्रिकेटको ड्राफ्ट यही फेब्रुअरी २२ तारिखमा हुँदैछ। २०२० मै पहिलो पटक सुरु हुन लागेको ‘द हन्ड्रेड’ क्रिकेट प्रतियोगिता कोरोना भाइरसको कारण एक वर्ष सरेको हो।

सन्दीपलाई ओभलले १ लाख पाउण्ड (१ करोड ४७ लाख २५ हजार रुपैयाँ)मा टिममा भित्र्याएको थियो । विदेशी फ्रेन्चाइज क्रिकेट लिगमा सन्दीप आबद्ध भएको यो अहिलेसम्मकै महँगो मूल्य हो ।

नवाैँ मिनटकाे गाेल निर्णायक बन्दा पुलिस विराटनगरसँग पराजित

पार्वती घलेले नवौँ मिनेटमा गरेको गोल निर्णायक बन्दा विभागीय टोली नेपाल पुलिस क्लब मोफसलको टोली विराटनगर महानगरपालिकासँग १–० ले स्तब्ध भएको छ ।

ललितपुरकाे अखिल नेपाल फुटबल सङ्घ (एन्फा) मुख्यालयको मैदानमा भएको दोस्रो खेलमा पुलिसमाथि रोमाञ्चक जित निकाल्दा विराटनगर तालिकाको तेस्रो ठाउँमा उक्लिएको छ । विराटनगरले ६ खेलबाट १० अङ्क जोडेर तालिकामा स्थान सुधार गरेको हो । पराजित पुलिस भने दुई अङ्क पछि पर्दै चौथो स्थानमा झरेको छ ।

निकै प्रतिस्पर्धात्मक भएको खेलमा विराटनगरले नवौँ मिनेटमा पार्वती घलेको गोलबाट अग्रता लिएको थियो । डिफेन्डरको गल्तीको फाइदा उठाउँदै लिएको अग्रतालाई विराटनगरले अन्तिमसम्म कायम राखेर खेल पस्किँदा लिगमा तेस्रो जित निकाल्न सफल भएको हो ।

पुलिसले पछि परेको अवस्थामा एकपछि अर्को काउन्टर प्रहार गरे पनि विराटनगर महानगरपालिकाको रक्षापङ्क्तिले उत्कृष्ट खेल देखाउन सक्यो । दोस्रो हाफको अन्तिम मिनेटतिर पुलिसले दबाब दिँदै खेलमा फर्किन प्रयास गरे पनि सफल हुन सकेन र विराटनरलाई नजिता सुम्पिन बाध्य बन्यो ।