दोस्रो टेस्ट अगाडी इंग्ल्याण्डलाई लाग्यो ठुलो झड्का, बिराट कोहली भए खुसि


क्रिकेट

एजेन्सी । भारत भ्रमणमा रहेको इंग्ल्याण्डका दुई प्रमुख बलरले भारतविरुद्धको दोस्रो टेष्ट गुमाउने भएका छन् । फास्ट बलरद्वय जेम्स एण्डरसन र जोफ्रा आर्चरले भारतविरुद्धको दोस्रो टेष्ट गुमाउने भएका हुन् ।

पहिलो टेष्टमा ५ विकेट लिएका बलर जेम्स एण्डरसनलाई आराम दिन लागिएको हो भने जोफ्रा आर्चर चोटका कारण बाहिर भएका छन् । आर्चरले दाहिने हातको कुहिनोमा चोट बोकेका छन् । यस्तै पहिलो खेलमा ५ विकेट लिएका डम बेस पनि टिम बाहिर रहेका छन् ।

दोस्रो टेष्टका लागि १२ सदस्यीय टोलीमा मोइन अली, स्टुअर्ट ब्रोड, बेन फोएक्स, ओली स्टोन र क्रिस वोक्स समावेश भएका छन् । भारत र इंगल्याण्डबीचको तेस्रो टेष्ट शनिवार चेन्नाईमा सुरु हुनेछ ।

इंग्ल्याण्डको प्लेइङ-११ : डोम सिब्ली, रोरी बर्न्स, डान लरेन्स, जो रूट (कप्तान), बेन स्टोक्स, ओली पोप, बेन फोक्स (विकेटकीपर), मोइन अली, स्टुअर्ट ब्राड, क्रिस वोक्स/ओली स्टोन र ज्याक लिच ।

भारतको सम्भावित प्लेइङ-११ : रोहित शर्मा, शुभमन गिल, चेतेश्वर पुजारा, विराट कोहली (कप्तान), अजिंक्य रहाणे, ऋषभ पन्त (विकेटकीपर), रविचन्द्रन अश्विन, अक्क्षर पटेल, कुलदीप यादव/वाशिङ्गटन सुन्दर, इशान्त शर्मा र जसप्रीत बुमराह ।

विश्वकप लिग-२ : नेपाल, अमेरिका र ओमानबीचको एकदिवसीय सिरिज स्थगित

कोरोना भाइरसका कारण प्रभावित भएको आइसिसी क्रिकेट विश्वकप लिग-२ अन्तर्गत नेपाल, अमेरिका र ओमानबीचको त्रिकोणात्मक सिरिज फेरि स्थगित भएको छ। यसअघि अन्तर्राष्ट्रिय क्रिकेट काउन्सिल (आइसिसी) ले आगामी १९ देखि २८ मार्चसम्म ओमानमा सिरिज गर्ने तय गरेको थियो। नेपाल क्रिकेट संघ (क्यान) का अनुसार कोभिड-१९ को प्रभाव, लामो क्वारेन्टिनको प्रावधान र विभिन्न देशको भ्रमण प्रतिबन्धका कारण सिरिज स्थगित भएको हो। नेपाल, अमेरिका र ओमानबीचको सिरिजसँगै पिएनजी, स्कटल्यान्ड र ओमानबीच अप्रिलमा हुने सिरिज तथा पिएनजी, अमेरिका र नामिबियाबीच मेमा हुने सिरिज पनि स्थगित भएको छ।

यसअघि ओमानले सिरिजअघि खेलाडीहरूलाई क्वारेन्टिनमा राख्ने खर्च नबेहोर्ने बताएपछि नेपालले खेल्ने सिरिज अन्योलमा परेको थियो। कोभिड-१९ प्रोटोकलअनुसार दोस्रो देशबाट ओमान पुग्ने सबैले ७ दिन अनिवार्य क्वारेन्टिनमा बस्नु पर्छ। नेपाल र अमेरिकाको टिम ओमानमा बस्दा लाग्ने खर्च बेहोर्न आफू तयार नभएको ओमानले आइसिसीलाई बताएको थियो। सिरिजका लागि नेपालले गत शनिबारदेखि अभ्यास सुरु गरेको थियो। प्रधानमन्त्री कपमा गरेको प्रदर्शनको आधारमा नेपाल क्रिकेट संघ (क्यान) ले ३२ जना खेलाडीको नाम सार्वजनिक गरेको थियो। सुरुआती चरणमा भने २१ खेलाडी अभ्यासमा सहभागी थियो। नेपालले पहिलो चरणको तयारी सकेको छ। अब दोस्रो चरणको तयारी सुरु हुनेछ।

यो सिरिजपछि जुलाईमा नेपालले स्कटल्यान्डमा अर्को सिरिज खेल्ने तय छ। सो सिरिजमा नेपालसहित स्कटल्यान्ड र नामिबियाबीच प्रतिस्पर्धा हुनेछ। लिग–२ मा नेपालसहित नामिबिया, ओमान, पपुवा न्युगिनी (पिएनजी), स्कटल्यान्ड, युएई र अमेरिका छन्। एक सिरिजमा ६ एकदिवसीय खेल हुनेछन् भने एक टिमले चार खेल खेल्नेछ। प्रत्येक टिमले लिग-२ का सबै खेल गरी ३६ वटा खेल खेल्नेछ।

एक टिमले ९ वटा सिरिजमा प्रतिस्पर्धा गर्नेछन्। जसमा नेपालले एक सिरिज खेलको छ भने बाँकी ८ वटा सिरिज २०२३ को फेब्रुअरीसम्ममा खेल्नेछ। ३६ एकदिवसीय खेल मध्ये नेपालले ४ खेल खेल्दा अझै ३२ खेल खेल्न बाँकी छ। लिग-२ मा १० खेल खेलिसकेको ओमान १६ अंक जोडेर शीर्ष स्थानमा छ भने दोस्रो स्थानको अमेरिकाको १२ खेलबाट १२ अंक छ। तेस्रो स्थानको स्कटल्यान्डको ८ खेलबाट ९ अंक, चौथो स्थानको नामिबियाको ७ खेलबाट ८ अंक, पाँचौ स्थानको युएईको ७ खेलबाट ७ अंक र छैटौं स्थानको नेपालको ४ खेलबाट ४ अंक छ। सातौं स्थानको पपुवा न्युगिनीले ८ खेलबाट अंक जोड्न सकेको छैन।

लिग-२ मा नेपालको खेल तालिका

• ओमान, अमेरिका र नेपाल – आगामी १९ देखि २८ मार्च – ओमानमा (स्थगित)
• स्कटल्यान्ड, नेपाल र नामिबिया – आगामी जुलाईमा – स्कटल्यान्डमा
• नेपाल, युएई र पपुवा न्युगिनी- फेब्रुअरी २०२२- नेपालमा
• नामिबिया, स्कटल्यान्ड र नेपाल – २०२२ को २५ मार्चदेखि ५ अप्रिलसम्म – नामिबियामा
• अमेरिका, नेपाल र ओमान – जुलाई २०२२- अमेरिकामा
• पपुवा न्युगिन, युएई र नेपाल – २०२२ को २२ सेम्टेम्बर देखि २ अक्टोबरसम्म – पपुवा न्युगिनीमा
• नेपाल, नामिबिया र स्टकल्यान्ड- २०२३ को फेब्रुअरीमा- नेपालमा
• युएई, पपुवा न्युगिनी र नेपाल – २०२३ को फेब्रुअरीमा- युएईमा