आईपिएलमा यसपटक बिक्री भए सन्दिपले पाउनेछन् अहिलेसम्मकै मँहगो रकम, ५ देखि १० करोड भारु पाउने


क्रिकेट

काठमाडौं । इन्डियन प्रिमियर लिग (आइपिएल) को १४ औं संस्करणका लागि आगामी फेब्रअरी १८ तारिखमा अक्सन हुदैछ । सन् २०२१ को सिजनमा आइपिएलमा आठ टिमलेनै सहभागिता जनाउनेछन् । गत जनवरी २० सम्ममा सवै आठ टिमले रिटेन गरेका र रिलिज गरेका खेलाडीको नाम सार्वजनिक गरिसकेका छन् ।

नेपाली लेग स्पिनर सन्दिप लामिछानेलाई दिल्ली क्यापिटल्सले रिलिज गरेको छ । सन्दिप पनि यो अक्सनमा सामेल भएका छन् । अक्सनमा सहभागी हुने खेलाडी र न्यूनतम मूल्य सार्वजनिक गर्दै बीसीसीआईले यसमा नेपालबाट सन्दीप मात्र अटाएको जानकारी दिएको छ । जसमा सन्दीपले आफ्नो मूल्य ४० लाख भारू राखेका छन्।

यो पनि पढ्नुस् : २० बर्षिय सन्दिप भन्छन् : ‘नेपाली टिमको कप्तान बन्न तयार छु’ (हेर्नुस भिडियो )

सन्दिपलाई कुन टिमले लिन्छ भन्नेमा नेपाली समर्थक बीच निकै चासो छ । गतबर्षको सिजन सन्दिपले दिल्लीबाट एक खेल पनि खेल्ने मौका पाएनन् । सन् २०१८ मा दिल्लीले सन्दिपलाई तीन सिजनका लागि २० लाख भारतीय रुपैयाँमा अनुबन्ध गरेको थियो । उनले आइपिएलमा अहिलेसम्म ९ खेल खेल्दै १३ विकेट लिएका छन् । यो वर्षको आइपिएलमा भारतमै गर्ने या बाहिर गर्ने भन्ने निर्णय भइसकेको छैन ।

‘द हन्ड्रेड’ क्रिकेट प्रतियोगिता मोटो रकम पाएका सन्दिपको आईपिएको मुल्य भने केहि कम भएको क्रिकेट पण्डितहरु बताउछन् । यद्यपी अक्सनमा सन्दिपलाई कुनै टिमले खरिद गरेमा उनकै निकै मंहगो रकम पाउँने पक्का छ । केहिदिन अगाडि सन्दीप लामिछानेलाई इंग्ल्यान्डमा हुने ‘द हन्ड्रेड’ क्रिकेट प्रतियोगिताका लागि ओभल इन्भिन्सिबल्सले मँहगो रकममा रिटेन गरेको थियो ।

सन्दीपलाई ओभलले १ लाख पाउण्ड (१ करोड ४७ लाख २५ हजार रुपैयाँ)मा टिममा भित्र्याएको थियो । विदेशी फ्रेन्चाइज क्रिकेट लिगमा सन्दीप आबद्ध भएको यो अहिलेसम्मकै महँगो मूल्य हो । यदि सन्दिप यसपटक आईपिएलमा बिक्री भए उनले आफ्नै सबैभन्दा मँहगो रेकर्ड तोड्ने पक्का छ । यसपटक उनि बिक्री भएमा ५ देखि १० करोड भारतिय रकम पाउँने आश गरिएको छ ।

सन्दीप आइपिएलको अक्सनमा पर्ने तीन एसोसियट्स देशका क्रिकेटर मध्ये एक रहेका छन् । एसोसियट्सबाट अमेरिकाका अली खान र युएईका कार्तिक मोइयप्पन रहेका छन् । कुल २९२ खेलाडीको अक्सनबाट बढीमा ६१ खेलाडी विभिन्न फ्रेन्चाईजीले किन्ने छन् । जसमा १६४ भारतीय खेलाडी रहेका छन् भने १२५ विदेशी खेलाडी रहेका छन् । त्यस्तै ३ खेलाडी एसोसियट्स देशका रहेका छन् ।

अक्सनका लागि छानिएका २९२ खेलाडीमा १० खेलाडीको न्युनतम मुल्य २ करोड रहेको छ भने १२ खेलाडीको डेढ करोड भारतीय रुपैया रहेको छ । त्यस्तै ११ खेलाडीको एक करोड, १५ खेलाडीको ७५ लाख र ६५ खेलाडीको ५० लाख न्युनतम मुल्य तोकिएको छ । नेपाली लेग स्पिनर सन्दीप लामिछानेको भने न्युनतम मुल्य ४० लाख तोकिएको छ ।