५ खेलाडी पिपुल्स च्वाइस अवार्डका लागि मनोनित, यस्तो छ प्रदर्शन


Featured, खेलकुद

काठमाडौं । नेपाल खेलकुद पत्रकार मञ्चले आयोजना गर्ने पल्सर स्पोर्टस् अवार्ड २०७३ अन्तर्गत् पिपुल्स च्वाइस अवार्डको मनोनयन सार्वजनिक भएको छ । फुटबलका सुजल श्रेष्ठ, क्रिकेटका दीपेन्द्रसिंह ऐरी, पौडीकी गौरिका सिंह, जुडोकी फूपुल्हामु खत्री र एथ्लेटिक्सकी कान्छीमाया कोजु मनोनयनमा परेका छन् । गत वर्ष प्राप्त गरेको उपलब्धि र चर्चाको आधारमा पिपुल्स च्वाइस अवार्डका लागि खेलाडी मनोनयन गरेको नेपाल खेलकुद पत्रकार मञ्चले बताएको छ ।

फेसबुक लाइक र एसएमएस भोटिङका आधारमा पिपुल्स च्वाइस अवार्डको विजेता घोषणा गरिनेछ । आगामी भदौ २५ गते राति १२ बजेसम्म चल्ने फेसबुक र एसएमएस भोटिङ आजबाट खुला गरिएको जनाइएको छ । नेपाल खेलकुद पत्रकार मञ्चले यसअघि नै आगामी भदौ २६ गते पल्सर स्पोर्टस् अवार्ड २०७३ आयोजना गर्ने घोषणा गरिसकेको छ ।

मञ्चले उत्कृष्ट खेलाडी पुरुष, महिला, पिपल्स च्वाइससहित ४ विधाका विजेताले पल्सर मोटरसाइकल तथा अन्य बिधाका विजेतालाई ५० हजार रुपैयाँसहित गिफ्ट ह्याम्पर प्रदान गरिने जनाएको छ ।

एसएमएस भोटिङ गर्नका pulsar<space>DA टाइप गरी ३३१३१ मा सेण्ड गर्न सकिनेछ । त्यस्तै गौरिकाका लागि pulsar<space>GS, कान्छीमायाका लागि pulsar<space>KK, फूपूल्हामूका लागि pulsar<space>PK र सुजलका लागि pulsar<space>SS टाइप गरी ३३१३१ मा एसएमएस गर्नुपर्नेछ । भोटिङका लागि टिएचटी लाइभसँग सोमबारै सम्झौता भइसकेको छ । फेसबुक लाइभका लागि टिएचटीले जारी गर्ने आधिकारीक पेजमा लाइक गर्न सकिने बताइएको छ । भोटिङ भदौ २५ गते राति १२ बजेसम्म गर्न सकिनेछ ।

मनोनयनमा पर्ने खेलाडीको गत बर्षको प्रदर्शन यस्तो छ

दीपेन्द्रसिंह ऐरी, क्रिकेट

– २०७३ सालमा नेपाली टिमका लागि सर्बाधिक ३ सय ५७ रन बनाएका । ४ अर्धशतक । ४ विकेट
– राष्ट्रिय टिमबाट ५ खेलमा २ सय ११ रन र ३ अर्धशतक
– विश्व क्रिेकट लिग च्याम्पियनसिपमा केन्यासंग ६२ रन, इमर्जिङ टिम्स कपमा बंगलादेशविरुद्ध ५६ रन र हङकङविरुद्ध नटआउट ६० रन तथा यू–१९ एसिया कपमा श्रीलंकासंग ९० रन

गौरिका सिंह, पौडी

– रियो ओलम्पिककी सबभन्दा कान्छी खेलाडी । १३ वर्ष २५५ दिन ।
– कान्छी खेलाडीको रुपमा विश्वका चर्चित् मिडियाहरूमा छाएकी
– १२ औं दक्षिण एसियाली खेलकुदमा १ रजत र ३ कांस्यपदक जितेकी
– ३० पल्ट राष्ट्रिय कीर्तिमान बनाएकी

कान्छीमाया कोजु, एथलेटिक्स
– म्याराथन र हाफ म्याराथनमा राष्ट्रिय कीर्तिमान
– पााच वटा हाफ म्याराथनमा पहिलो
– सातौं राष्ट्रिय खेलकुदमा २ स्वर्ण र १ रजतपदक
– काठमाडौं म्याराथनमा २:५५:५७ को राष्ट्रिय कीर्तिमानसहित स्वर्णपदक
– पिंकाथन हाफ म्याराथनमा १:१८:२६ को राष्ट्रिय कीर्तिमानसहित स्वर्णपदक
– न्यू ताइपेई सिटी म्याराथनमा ११ औं । उमेर समूहमा पहिलो

फुपू ल्हामु खत्री, जुडो

– रियो ओलम्पिकमा सहभागी, पूरा समय (४ मिनेट) टिक्ने पहिलो नेपाली जुडोका
– १७ औं जुनियर एसियन जुडो च्याम्पियनसिप, कोचीमा कांस्यपदक जितेकी
– सातौं राष्ट्रिय खेलकुदमा स्वर्णपदक
– २२ औं एसियन जुडो च्याम्पियनसिप, उज्वेकिस्तानमा सहभागी

सुजल श्रेष्ठ, फुटबल

– एएफसी सोलिडारिटी कप च्याम्पियन राष्ट्रिय टिमका खेलाडी
– सोलिडारिटी कप फाइनलमा मकाउविरुद्ध निर्णायक गोलकर्ता
– मनाङ मस्र्याङदी क्लबलाई दुहवी, खप्तड, आहा–रारा र झापा गोल्डकप उपाधि दिलाउन महत्वपूर्ण योगदान
– दुहवी गोल्डकपका सर्वोत्कृष्ट खेलाडी । आहा–रारामा उत्कृष्ट मिडफिल्डर
– शेख कमल इन्टरनेसनल कपमा सेमिफाइनल