आईपिएल अक्सनमा नबिक्नु सन्दिप लामिछाने कै दोष, यस्तो रहेछ भित्री कारण


क्रिकेट

काठमाडौं । नेपालका लेग स्पिनर सन्दीप लामिछानेलाई इन्डियन प्रिमियर लिग (आइपिएल) अक्सनमा कुनै पनि क्लबले खरिद गरेन। बिहीबार चेन्नईमा आइपिएलको २०२१ संस्करणका लागि भएको अक्सनमा कुनै पनि टोलीले सन्दीपलाई खरिद गर्ने इच्छा देखाएनन्।

सन्दीपको न्यूनतम मूल्य ४० लाख भारु थियो। यद्यपि अन्तिम समयमा कुनै टोलीले आग्रह गरेमा सन्दीप पुनः अक्सनमा आउन सक्छन्। त्यसका लागि उनलाई क्लबले न्यूनतम मूल्यमै अनुबन्धन गर्न सक्नेछ। सन् २०१८ मा सन्दीपलाई दिल्ली क्पापिटल्सले २० लाख भारुमा अनुबन्धित गरेको थियो। दुई सिजन दिल्लीमा रहेका सन्दीपलाई यस सिजन भने क्लबले रिलिज गरेको थियो।

 

यस पटकको अक्सनमा २ सय ९२ खेलाडी मध्ये १ सय ६४ भारतीय र १ सय २६ विदेशी तथा ३ एसोसिएट खेलाडी थिए। सन्दीप एसोसिएट खेलाडीको सूचीमा थिए। सन्दीपले आइपिएलका दुई सिजनमा ९ खेल खेल्दै १३ विकेट लिएका छन्। गत सिजन भने उनी बेन्चमै सीमित थिए।

सन्दिपलाई कम मुल्यमा पनि किन कुनै पनि टिमले किन्न इच्छा देखाएनन् त ? आउनुस यसै बिषयमा एकछिन चर्चा गरौ । यस पटकको आईपिएल अक्सनमा स्पिनर सबै टोलीमा निकै कम आवश्यक थियो । आवश्यक भएका टोलीले सन्दीप भन्दा राम्रो विकल्प सकिब, मुजिब, मोइन अलिलाई लिन ध्यान दिए । उनिहरु सन्दीप भन्दा धेरै राम्रो अनुभवी र उत्कृष्ट खेलाडी हन् । जसले गर्दा कुनैपनि टोलीले रुचि देखाएनन् ।

त्यस्तै सन्दीपले लगातार विदेशी लिग खेल्दै आएका छन् । तर म्याच विनिङ प्रर्दशन भने गर्न सकेका छैनन् । त्यसैले सन्दीप प्रति फ्रेन्चाइज टोलीको रुचि घट्न थालेको छ । उता धेरै लिगहरु खेलेकै कारण ब्याट्सम्यान र फ्रेन्चाइज टोलीलाई सन्दिपको कमजोरी थाहा भई सकेको छ । सन्दीपले लेगस्पिनर र गुगली गर्ने गर्दछन् । सन्दीपसँग यी दुई बाहेक अन्य खासै स्पिनरमा भेराइटी देखिदैन । सन्दीपले एउटै शैलीमा निरन्तर बलिङ गरि रहेका छन् । टि-२० मा टिक्नको लागि आफ्नो बलिङमा भेराईटी ल्याउनु आवश्यक छ जुन कुरामा सन्दिप चुकेका छन् ।

त्यस्तै टि-२० मा अति आवश्यक पर्ने ब्याटिङ र फिल्डिङमा पनि सन्दिप एकदमै कमजोर छन् । अक्सनमा पन्जाब, राजस्थान र मुम्बईलाई स्पिनरको आवश्यक थियो । पन्जाबले वेस्टइन्डिजका फबियन एलेनलाई खरिद गर्यो । एलेन तल्लोक्रममा आक्रामक ब्याटिङको साथै उत्कृष्ट फिल्डिङका लागि चिनिन्छन् । चेन्नईले मोईन अली र कोलकाताले सकिब अल टोलीमा भित्र्याए । यी तीनै स्पिनर राम्रो ब्याटिङका लागि परिचित छन् । सन्दिपको कमजोर ब्याटिङ र फितलो फिल्डिङकै कारण पनि अक्सनमा सन्दिप बिक्न सकेनन् ।