‘आखिर, विर–जारा मिलेरै छाडे ! शाहरुख खानलाई प्रिति जिन्टाले किनिन्


क्रिकेट

एजेन्सी । फिल्म होस् वा आइपिएल बलिउड सेलिब्रेटी सधैं चर्चामा रहन्छन् । अहिले, आईपिएलको लिलामीका दौरान प्रिति जिन्टा निकै चर्चामा छिन् । किंग्स् इलेभेन पञ्जाब उनको स्वामित्वको क्लब हो । र, उनी चर्चामा तानिनुको कारण पनि रोचक छ ।

खासमा आइपिएलमा सबै टिमले केही नयाँ खेलाडी भित्र्याएका छन् । किंग्स इलेभेन पञ्जावले ९ जना नयाँ खेलाडी भित्र्याएको छ । यसमध्ये एक खेलाडी तमिलनाडुका हुन् र उनको नाम शाहरुख खान हो । किङ खान भनेर चिनिने अभिनेता शाहरुखसँग नाम मिलेकै कारण यी दायाँहाते ब्याट्सम्यान तथा राइट आर्म स्पिनर अहिले निकै चर्चामा छन् । सामाजिक सञ्जालका प्रयोगकर्ताहरुले लेखेका छन्– ‘आखिर, विर–जारा मिलेरै छाडे ।’

अभिनेता शाहरुख र प्रिति ‘विर–जारा’ फिल्ममा रोमान्टिक जोडी बनेर देखिएका थिए । प्रितिले १९९८ मा बलिउड डेब्यु गरेकी थिइन् र उनको पहिलो फिल्म ‘दिल से’ मा पनि शाहरुख र मनिषा मुख्य भूमिकामा थिए । एक सामाजिक सञ्जाल प्रयोगकर्ता लेख्छन्, ‘प्रितिले शाहरुखको फिल्ममार्फत बलिउड डेब्यु गरेकी थिइन्, अहिले शाहरुलाई आइपिएलमा डेब्यु गराइन् ।’ अभिनेता शाहरुख पनि आईपिएलबाट बाहिर छैनन् । कोलकाता नाइट राइडर्स (केकेआर) उनको स्वामित्वको क्लब हो ।

को हुन् शाहरुख खान ?

शारुख खान तल्लोक्रममा आक्रामक ब्याटिङ गर्ने गर्दछन् । तालिम नाडुलाई यस सिजनको शैद मुश्ताक अली ट्रफी उपाधि दिलाउन शाहरुख खानले उत्कृष्ट प्रर्दशन गरेका थिए । शारुख पार्टटाइममा बलिङ गर्ने गर्दछन् । शाहरुखले न्यूनतम मूल्य २० लाख रुपैयाँ तोकेका थिए । उच्च रोजाईका साथ उनी पन्जाब पुगेका हुन् । शाहरुखले तमिल नाडुबाट प्रथम श्रेणी क्रिकेट खेलेका छन्। उनले पाँच प्रथम श्रेणी क्रिकेट खेलमा २ अर्धसतकसहित २ सय ३१ रन जोडेका छन्। उनी ब्याटिङ अलराउण्डर मानिन्छन्।

पन्जाब किग्स : लोकेश राहुल (कप्तान), क्रिस गेल, निकोलस पुरन, मोहम्मद शामी, क्रिस जोर्डन, मन्दीपसिंह, मयंक अग्रवाल, रबि बिश्रोई, प्रभसिम्रन सिंह, दिपक हुडा, शरफराज खान, अर्शदीप सिंह, मुरुगन आश्विन, दर्शन नलकान्डे, ईशान पोरल, हरप्रित बार, झेय रिचर्डसन, राइली मेरेडीथ, शाहरुख खान, मोइजेस हेनरिक्स, डेविड मलान, जलाज सक्सेना, उत्कर्ष सिंह, फबेन एलिएन र सौरभ कुमार ।