यी हुन् सन्दिप लामिछाने आईपिएल अक्सनमा बिक्री नहुनुका ४ स्पष्ट कारणहरु


क्रिकेट

काठमाडौं : सन् २०२१ को इन्डियन प्रिमियर लिग (आइपिएल) का लागि नेपाली क्रिकेट खेलाडी सन्दीप लामिछाने छनोटमा पर्न असफल भएका छन् । अक्सनमा लामिछाने ‘अनसोल्ड’ भएका हुन् । आइपीएलमा लामिछानेले आफ्नो न्यूनतम अनुबन्धित मूल्य ४० लाख भारतीय रुपैयाँ राखेका थिए ।

उनलाई अनुबन्ध गर्न आइपीएलको कुनै पनि टोलीले रुचि देखाएनन् । लामिछानेले पहिलो पटक सन् २०१८ मा दिल्लीबाट आइपीएल खेलेका थिए । उनी त्यो बेला रु ३२ लाखमा अनुबन्ध भएका थिए । सन् २०१९ र सन् २०२० मा दिल्लीको टोलीमा रहेका लामिछानेलाई फुकुवा गरेपछि उनी यस पटक अक्सनमा सहभागी भएका थिए ।

सन् २०१८ को आइपीएलमा लामिछानेले तीन खेलमा पाँच विकेट लिएका थिए । दोस्रो वर्ष सन् २०१९ को आइपिएलमा लामिछानेले छ खेलमा आठ विकेट लिएका थिए । तेस्रो वर्ष सन् २०२० को संस्करणमा भने उनलाई कुनै पनि खेलमा खेल्ने मौका दिइएको थिएन ।

सन्दिपलाई कम मुल्यमा पनि किन कुनै पनि टिमले किन्न इच्छा देखाएनन् त ?

यस पटकको आईपिएल अक्सनमा स्पिनर सबै टोलीमा निकै कम आवश्यक थियो । आवश्यक भएका टोलीले सन्दीप भन्दा राम्रो विकल्प सकिब, मुजिब, मोइन अलिलाई लिन ध्यान दिए । उनिहरु सन्दीप भन्दा धेरै राम्रो अनुभवी र उत्कृष्ट खेलाडी हन् । जसले गर्दा कुनैपनि टोलीले रुचि देखाएनन् ।

त्यस्तै सन्दीपले लगातार विदेशी लिग खेल्दै आएका छन् । तर म्याच विनिङ प्रर्दशन भने गर्न सकेका छैनन् । त्यसैले सन्दीप प्रति फ्रेन्चाइज टोलीको रुचि घट्न थालेको छ । उता धेरै लिगहरु खेलेकै कारण ब्याट्सम्यान र फ्रेन्चाइज टोलीलाई सन्दिपको कमजोरी थाहा भई सकेको छ । सन्दीपले लेगस्पिनर र गुगली गर्ने गर्दछन् । सन्दीपसँग यी दुई बाहेक अन्य खासै स्पिनरमा भेराइटी देखिदैन । सन्दीपले एउटै शैलीमा निरन्तर बलिङ गरि रहेका छन् । टि-२० मा टिक्नको लागि आफ्नो बलिङमा भेराईटी ल्याउनु आवश्यक छ जुन कुरामा सन्दिप चुकेका छन् ।

त्यस्तै टि-२० मा अति आवश्यक पर्ने ब्याटिङ र फिल्डिङमा पनि सन्दिप एकदमै कमजोर छन् । अक्सनमा पन्जाब, राजस्थान र मुम्बईलाई स्पिनरको आवश्यक थियो । पन्जाबले वेस्टइन्डिजका फबियन एलेनलाई खरिद गर्यो । एलेन तल्लोक्रममा आक्रामक ब्याटिङको साथै उत्कृष्ट फिल्डिङका लागि चिनिन्छन् । चेन्नईले मोईन अली र कोलकाताले सकिब अल टोलीमा भित्र्याए । यी तीनै स्पिनर राम्रो ब्याटिङका लागि परिचित छन् । सन्दिपको कमजोर ब्याटिङ र फितलो फिल्डिङकै कारण पनि अक्सनमा सन्दिप बिक्न सकेनन् ।

जान्नुस् कुन टिमको लाईन अप कस्तो छ ?

रोयल च्यालेन्जर्स बैंगलोर – लिलामीपछि आरसिबीको ब्याटिङ लाइनअप आक्राामक बनेको छ । विराट कोहलीबाहेक अब टोलीमा ग्लेन म्याक्सवेल र एबिडी बिलियर्सजस्ता खेलाडी हुनेछन् । कप्तान कोहली पडिक्कलसँग ओपनिङमा पनि आउनसक्छन् । लोअर अर्डरमा काइल जेमिसन र डेनिय क्रिष्ट्रियनजस्ता अलराउन्डर हुनेछन् । युवा खेलाडीहरुमध्ये मोहम्म अजहरुद्दिन उपयोगी साबित हुनसक्छन् ।

कोलकाता नाइट राइडर्स

केकेआरले यस लिलामीमा सुझबुझपूर्ण निर्णय लिएको छ । राजस्थानले जति ठूलो रकम खर्च गरेर क्रिस मोरिसलाई किन्यो, त्यसको झन्डै आधा रकममा केकेआरले ८ जना उत्कृष्ट खेलाडी किन्यो । सकिब अल हसन र बेन कटिङजस्ता अलराउन्डर, करुण नायरजस्ता ब्याट्सम्यान र हरभजन सिंहजस्ता अनुभवी स्पिनर यस सूचीमा समावेश छन् ।

चेन्नई सुपरकिंग्स –

चेन्नईले पछिल्ला केही सिजनदेखि स्पिनरलाई प्राथमिकता दिइरहेको छ । यस लिलामीमा पनि त्यही भयो । हरभजनलाई रिलिज गरेकै समय चेन्नईले नयाँ स्पिनर किन्नेछ भन्ने लागेको थियो । मोइन अली र कृष्णप्पा गौतमजस्ता उत्कृष्ट स्पिनर अब टिमको हिस्सा छ, उनीहरु ब्याटिङमा पनि काम आउनसक्छन् ।

दिल्ली क्यापिटल्स –

दिल्लीका लागि यो अक्सन शान्दार रह्यो । उसले २ करोड २० लाख भारुमा स्टिभ स्मिथ र १ करोडमा अनुभवी फास्ट बलर उमेश यादवलाई किन्यो । स्मिथले नकआउट राउन्डमा कप्तान श्रेयर अय्यरलाई असिस्ट पनि गर्नसक्छन् । त्यस्तै, डेथ ओभर्समा उमेशले कागिसो रबाडा र एनरिच नोत्र्जेलाई सहयोग गर्न सक्छन् ।

राजस्थान रोयल्स –

राजस्थानले क्रिस मोरिसका रुपमा आईपिएल इतिहासकै सर्वाधिक महंगा खेलाडी खरिद गरेको छ । अक्सनअघि राजस्थानलाई जोफ्रा आर्चरको ब्याकअपका रुपमा एक डेथ ओभर स्पेशलिस्ट चाहिएको थियो । मोरिस डेथ ओभर्समा ब्याटिङ र बलिङ दुबैमा सहयोगी साबित हुनेछन् । त्यस्तै, राहुल तेवतिया र रियान परागसँगै शिवम दुबे लोअर मिडिल अर्डरमा उत्कृष्ट विकल्प हुनसक्छन् । मुस्तफिजुर रहमान आइसकेपछि टिमको बलिङ आक्रमण बलियो भएको छ ।

पञ्जाब किंग्स –

पञ्जाले यसपटकको अक्सनमा फास्ट बलरमा जोड दिएको छ । उसले यस अक्सनमा जे रिचर्डसन र राइली मेरिडिजजस्ता तेज बलर खरिद ग¥यो । रिचर्डसन अस्ट्रेलियाको बिग बास लिगमा २९ विकेटसहित सबैभन्दा धेरै विकेट लिने बलर थिए । पछिल्लो वर्ष मोहम्मद सामीलाई साथीको कमी थियो, जो अब रिचर्डसन र मेरिडिथले पुरा गर्नेछन् । दुबै बलर १४० प्लसको रफ्तारमा योर्कर फाल्न माहिर छन् ।

मुम्बई इन्डियन्स –

डिफेन्डिङ च्याम्पियन मुम्बई इन्डियन्सले बलिङ लाईनअपलाई बलियो बनाउन जोड दियो । टिमले नाथन कुल्टर नाइल, एडम मिल्ने, जेम्स निशम र पियूष चावलाजस्ता खेलाडी भित्र्याएको छ । पूर्व अपेक्षाअनुसार अर्जुन तेन्दुलकरलाई पनि मुम्बईले नै किन्यो । उनी बायाँ हाते तेज बलर हुन् । टेन्ट्र बोल्टसँग आफ्नो पहिलो सिजनमै उनले धेरै सिकेका थिए ।

सनराइजर्स हैदरावाद –

हैदराबादसँग अक्सनभन्दा पहिले सबैभन्दा कम ३ स्लट थियो । यद्यपी, टोलीसँग १० करोड ७५ लाख भारुको राम्रो रकम थियो । उसले केही राम्रा खेलाडी किन्ने प्रयास पक्कै ग¥यो, तर अन्य टिमहरुले धेरै बोली लगाएकाले ती खेलाडीलाई खरिद गर्न सकेन । जसकारण केदार जाधव, मुजिब उर रहमान र जगदीश सुचितजस्ता खेलाडीहरुकै भरमा टोलीले काम चलाउनुप¥यो । विगतमा मिडिल अर्डरमा मनिष पाण्डेमाथि सबै दबाब थियो, यस्तोमा केदार जाधव राम्रो विकल्प साबित हुनसक्छन् । यस टिममा डेभिड वार्नर, विलियम्सन, भुवनेश्वर कुमार, मिचेल मार्सलगायतको उपस्थिती छ ।