जयबर्ध्दनेले अन्तराष्ट्रिय जोक गर्दै भने : ‘अर्जुन तेन्दुलकर पिताको नामले आइपीएलमा परेका होइनन्, क्षमताले परेका हुन्’


क्रिकेट

काठमाडौँ : भारतीय क्रिकेटमा चर्चा बटुलेका युवा खेलाडी मध्येका एक हुनु, अर्जुन तेन्दुलकर । सचिन तेन्दुलकरका छोरा भएकाले पनि अर्जुनको चर्चा स्वभाविक हो । तर त्यसले अर्जुन माथि दबाब पनि सिर्जना गरेको छ । उमेर समूह र स्थानिय प्रतियोगितामा राम्रो प्रदर्शन गर्ने । जसमा उनी असफल छैनन् ।

फलस्वरुप अर्जुनलाई यसपटकको इन्डियन प्रिमियर लिग (आइपीएल) अक्सनमा पनि राखियो । मुम्बई इन्डियन्सले उनलाई खरिद गर्ने अपेक्षा गरिएको थियो । भयो पनि त्यस्तै । आधार मूल्य २० लाख भएका दायाँ हाते पेसरलाई खरिद गर्नुको कारण दिँदै मुम्बईका मुख्य प्रशिक्षक महेला जयबर्ध्दनेले भने, ‘हामीले उनलाई खेल स्तर र कौशलकै आधारमा अनुबन्ध गरेका हौँ । उनका लागि आइपीएल सिकाइको माध्यम पनि बन्न सक्छ । सचिनको छोरा भएकाले उनीमाथि दबाब हुनसक्छ । तर उनी बलर हुन्, ब्याट्सम्यान होइन । त्यसकारण उनले दबाब महसुस नगरी खेल्न सक्छन् । सचिन आफै पनि अर्जुनको बलिङ कौशल देखेर गर्ब महसुस गर्न सक्छन्,’ जयबर्ध्दनेले भने ।

अर्जुनले स्थानिय क्रिकेट मुम्बईबाट खेल्दाखेल्दै फ्रेन्चाइज प्रतियोगितामा मौका पाउनु उनको करियरको ग्राफ उकालो लाग्नु हो । ‘अर्जुन युवा प्रतिभा हो । आइपीएल उसको लागि राम्रो प्लाटफर्म हो । सिक्ने मौका हो । हामी उनलाई पर्याप्त समय दिन तयार छौँ । जसका कारण उनले दबाब महसुस नगरी अघि बढ्न सक्छन्,’ जयबद्र्धनेको भनाई थियो । गत संस्करणको आइपीएलका लागि मुम्बईको अभ्यास दौरान अर्जुनलाई नेट बलरका रुपमा उपयोग गरिएको थियो । बिहीबार सम्पन्न अक्सनमा अर्जुन बिक्रि हुने अन्तिम खेलाडी थिए ।

मुम्बई इन्डियन्स

डिफेन्डिङ च्याम्पियन मुम्बई इन्डियन्सले बलिङ लाईनअपलाई बलियो बनाउन जोड दियो । टिमले नाथन कुल्टर नाइल, एडम मिल्ने, जेम्स निशम र पियूष चावलाजस्ता खेलाडी भित्र्याएको छ । पूर्व अपेक्षाअनुसार अर्जुन तेन्दुलकरलाई पनि मुम्बईले नै किन्यो । उनी बायाँ हाते तेज बलर हुन् । टेन्ट्र बोल्टसँग आफ्नो पहिलो सिजनमै उनले धेरै सिकेका थिए ।

जान्नुस् कुन टिमको लाईन अप कस्तो छ ?

रोयल च्यालेन्जर्स बैंगलोर – लिलामीपछि आरसिबीको ब्याटिङ लाइनअप आक्राामक बनेको छ । विराट कोहलीबाहेक अब टोलीमा ग्लेन म्याक्सवेल र एबिडी बिलियर्सजस्ता खेलाडी हुनेछन् । कप्तान कोहली पडिक्कलसँग ओपनिङमा पनि आउनसक्छन् । लोअर अर्डरमा काइल जेमिसन र डेनिय क्रिष्ट्रियनजस्ता अलराउन्डर हुनेछन् । युवा खेलाडीहरुमध्ये मोहम्म अजहरुद्दिन उपयोगी साबित हुनसक्छन् ।

कोलकाता नाइट राइडर्स

केकेआरले यस लिलामीमा सुझबुझपूर्ण निर्णय लिएको छ । राजस्थानले जति ठूलो रकम खर्च गरेर क्रिस मोरिसलाई किन्यो, त्यसको झन्डै आधा रकममा केकेआरले ८ जना उत्कृष्ट खेलाडी किन्यो । सकिब अल हसन र बेन कटिङजस्ता अलराउन्डर, करुण नायरजस्ता ब्याट्सम्यान र हरभजन सिंहजस्ता अनुभवी स्पिनर यस सूचीमा समावेश छन् ।

चेन्नई सुपरकिंग्स –

चेन्नईले पछिल्ला केही सिजनदेखि स्पिनरलाई प्राथमिकता दिइरहेको छ । यस लिलामीमा पनि त्यही भयो । हरभजनलाई रिलिज गरेकै समय चेन्नईले नयाँ स्पिनर किन्नेछ भन्ने लागेको थियो । मोइन अली र कृष्णप्पा गौतमजस्ता उत्कृष्ट स्पिनर अब टिमको हिस्सा छ, उनीहरु ब्याटिङमा पनि काम आउनसक्छन् ।

दिल्ली क्यापिटल्स –

दिल्लीका लागि यो अक्सन शान्दार रह्यो । उसले २ करोड २० लाख भारुमा स्टिभ स्मिथ र १ करोडमा अनुभवी फास्ट बलर उमेश यादवलाई किन्यो । स्मिथले नकआउट राउन्डमा कप्तान श्रेयर अय्यरलाई असिस्ट पनि गर्नसक्छन् । त्यस्तै, डेथ ओभर्समा उमेशले कागिसो रबाडा र एनरिच नोत्र्जेलाई सहयोग गर्न सक्छन् ।

राजस्थान रोयल्स –

राजस्थानले क्रिस मोरिसका रुपमा आईपिएल इतिहासकै सर्वाधिक महंगा खेलाडी खरिद गरेको छ । अक्सनअघि राजस्थानलाई जोफ्रा आर्चरको ब्याकअपका रुपमा एक डेथ ओभर स्पेशलिस्ट चाहिएको थियो । मोरिस डेथ ओभर्समा ब्याटिङ र बलिङ दुबैमा सहयोगी साबित हुनेछन् । त्यस्तै, राहुल तेवतिया र रियान परागसँगै शिवम दुबे लोअर मिडिल अर्डरमा उत्कृष्ट विकल्प हुनसक्छन् । मुस्तफिजुर रहमान आइसकेपछि टिमको बलिङ आक्रमण बलियो भएको छ ।

पञ्जाब किंग्स –

पञ्जाले यसपटकको अक्सनमा फास्ट बलरमा जोड दिएको छ । उसले यस अक्सनमा जे रिचर्डसन र राइली मेरिडिजजस्ता तेज बलर खरिद ग¥यो । रिचर्डसन अस्ट्रेलियाको बिग बास लिगमा २९ विकेटसहित सबैभन्दा धेरै विकेट लिने बलर थिए । पछिल्लो वर्ष मोहम्मद सामीलाई साथीको कमी थियो, जो अब रिचर्डसन र मेरिडिथले पुरा गर्नेछन् । दुबै बलर १४० प्लसको रफ्तारमा योर्कर फाल्न माहिर छन् ।

सनराइजर्स हैदरावाद –

हैदराबादसँग अक्सनभन्दा पहिले सबैभन्दा कम ३ स्लट थियो । यद्यपी, टोलीसँग १० करोड ७५ लाख भारुको राम्रो रकम थियो । उसले केही राम्रा खेलाडी किन्ने प्रयास पक्कै ग¥यो, तर अन्य टिमहरुले धेरै बोली लगाएकाले ती खेलाडीलाई खरिद गर्न सकेन । जसकारण केदार जाधव, मुजिब उर रहमान र जगदीश सुचितजस्ता खेलाडीहरुकै भरमा टोलीले काम चलाउनुप¥यो । विगतमा मिडिल अर्डरमा मनिष पाण्डेमाथि सबै दबाब थियो, यस्तोमा केदार जाधव राम्रो विकल्प साबित हुनसक्छन् । यस टिममा डेभिड वार्नर, विलियम्सन, भुवनेश्वर कुमार, मिचेल मार्सलगायतको उपस्थिती छ ।