इङ्ल्याण्डबिरुद्ध टि-२० खेल्ने भारतिय टिमको घोषणा, मुम्बईका सुर्यकुमार पहिलो पटक भारतिय टिममा ( सुचि सहित )


क्रिकेट

नयाँ दिल्ली: भारतीय क्रिकेट टीमले इङ्ल्याण्डसँग खेलिने ५ खेलको टि-२० शिरिजको लाग टिमको घोषणा गरेको छ । मुम्बईका ब्याट्सम्यान सूर्यकुमार यादव पहिलो पटक भारतीय टी- २० टिममा छनोट भएका छन् भने विजय हजारे ट्रॉफीमा १७३ रन जोडेका इशान किशन पनि टिममा पर्न सफल भएका छन्।

यस टोलीमा रिशब पंतका साथै विकेटकीपर ब्याट्सम्यान ईशान किशन पनि छन्। झारखंडका लागि खेल्ने इशान किशन पनि पहिलोपटक भारतीय टी-२० टिमको हिस्सा बनेका हुन् । टी-२० टिममा, फास्ट बलर भुवनेश्वर कुमार फर्केका छन, जो चोटका कारण टीम इंडियाबाट बाहिरिएका थिए।

अस्ट्रेलिया भ्रमणमा शानदार प्रदर्शन गर्ने टी नटराजन टिममा आफ्नो स्थान कायम गर्न सफल भएका छन् भने पहिलो पटक टेस्ट टीममा समावेश भएका अक्षर पटेल पनि लामो समय पछि टिममा फर्केका छन्।

यस्तो छ टिम :

विराट कोहली (कप्तान), रोहित शर्मा, केएल राहुल, शिखर धवन, श्रेयस अय्यर, सूर्यकुमार यादव, हार्दिक पांड्या, रिषभ पंत, इशान किशन, युजवेंद्रा चहल, वरुण चक्रवर्ती, अक्षर पटेल, वाशिंगटन सुंदर, राहुल तेवतिया, टी नटराजन, भुवनेश्वर कुमार, दीपक चाहर, नवदीप सैनी, शार्दुल ठाकुर।

गौरिका सिंह र मन्देकाजी श्रेष्ठ सर्वोत्कृष्ट खेलाडी घोषित

१३औं दक्षिण एसियाली खेलकुद (साग) मा पौडितर्फ नेपाललाई चार स्वर्ण पदक दिलाएकी गौरिका सिंह तथा करातेमा दुई स्वर्ण दिलाएका मन्देकाजी श्रेष्ठ राष्ट्रिय तथा अन्तर्राष्ट्रिय खेलाडी संघ (एनएनआईपिए) ले प्रदान गर्ने अवार्डका सर्बोत्कृष्ट खेलाडी घोषित भएका छन् ।

भक्तपुरको मध्यपुर ठिमीमा आयोजना भएको कार्यक्रममा एनएनआईपिएले सागमा गरेको प्रर्दशनको आधारमा गौरिका र मन्देकाजीलाई सर्वोत्कृष्ट खेलाडी घोषणा गरेको हो । गौरिका र मन्देले ग्लोबल आइएमई बैंकबाट प्रायोजित समान १ लाख रुपैयाँ प्राप्त गरे ।

यस्तै एनएनआईपिएले तेक्वान्दोकी आयशा शाक्य र फुटबलका सुजल श्रेष्ठलाई एनएनआईपिए स्पोर्टस अवार्ड अन्तर्गत प्रतिभावान खेलाडीको अवार्ड प्रदान गर्दा गल्फका सुवास तामाङ र कुस्तीकी संगिता धामी एनएनआइपिए स्पोर्टस अवार्ड अन्तर्गत उदयीमान खेलाडी चुनिएर पुरस्कार थापे । आयशा र सुजलले युएसए एभरेष्ट तेक्वान्दोले प्रोजना गरेको समान ५० हजार रुपैयाँ प्राप्त गरे । पहिलो पटक समावेश गरिएको विधामा चुनिएका उदीयमान खेलाडी सुवास र संगिताले स्काई फिटबाट प्रायोजित समान ५० हजार रुपैयाँ प्राप्त गरे ।

यस्तै १५ औं सस्करण अवार्डमा अन्नपूर्ण पोष्ट राष्ट्रिय दैनिकका समाचार संयोजक रोशन सिंह राउतलाई संघले एनएनआइपिए पत्रकारिता सम्मानबाट पुरस्कृत गरेको छ । राउतले सम्मान पत्रसहित २५ हजार रुपैयाँ प्राप्त गरे । विगतका वर्षहरुमा झै करातेका वरिष्ठ प्रशिक्षक अकबर शाहलाई संघले गजराज जोशी आदर्श खेल व्यक्तित्वबाट सम्मान गरेको छ ।

सन् १९९९ मा स्वदेशमा आयोजना भएको आठौं सागका करातेका मुख्य प्रशिक्षक रहेका शाहले पटक पटक राष्ट्रिय कराते टोलीको सम्हालेका थिए । सागमा पहिलो पटक प्रवेश पाएको करातेले शाहको नेतृत्वमा १४ स्वर्ण पदक जित्दै इतिहास राखेको थियो । शाह १९९४ को १२ औं वल्र्ड च्याम्पियनसिप, १९९७ मा मनिलामा भएको करातेको छैंटौ विश्वकप, १९९८ बैंकक एशियन गेम्स, कोरियामा भएको १४ औं र १७ औं एसियाली खेलकुद र हङकङमा १२ औं एपीएसके च्याम्पियनसिपमा नेपाली टोलीको प्रशिक्षक थिए ।

अघिल्लो वर्ष नेपालमा सम्पन्न साग खेलमा सहभागिता जनाएका २६ खेलका उत्कृष्ट खेलाडी पनि अवार्ड कार्यक्रममा पुरस्कृत भएका थिए । मध्यपुर थिमीको दुई पोखरीमा आयोजना भएको अवार्डमा २६ खेलका उत्कृष्ट खेलाडी नगद १० हजार रुपैयाँ प्राप्त गरे ।