डेभेन कन्वेले गरे अष्ट्रेलियन बलरको धुलाई, यसरी गरे बाउण्ड्रीको बर्षा ( भिडियो हेर्नुस )


क्रिकेट

काठमाण्डौ : न्युजिल्यान्ड र अस्ट्रेलियाबीचको पाँच खेलको टी-२० सिरिजको पहिलो खेलमा न्युजिल्यान्ड विजयी भएको छ। क्राइस्टचर्चमा सोमबार भएको खेलमा न्युजिल्यान्डले अस्ट्रेलियालाई ५३ रनले पराजित गरेको हो।

पहिले ब्याटिङ गरेको न्युजिल्यान्डले ५ विकेटको क्षतिमा १८४ रन जोड्यो। न्युजिल्यान्डका लागि डेभन कनवेले नटआउट ९९ रन बनाए। एक रनले शतक बनाउन चुकेका उनले ५९ बलमा १० चौका र ३ छक्का प्रहार गरे। ग्लेन फिलिप्सले ३० रन जोड्दा जेम्स निशमले २६ रन बटुले।

बलिङमा अस्ट्रेलियाका ड्यानियल साम्स र जे रचार्डसनले २-२ विकेट लिए। १८५ रनको लक्ष्य पछ्याएको अस्ट्रेलिया १७.३ ओभरमा १३१ रनमा अलआउट भयो। अस्ट्रेलियाका लागि मिचेल मार्सले सबैभन्दा बढी ४५ रन जोडे। बलिङमा न्युजिल्यान्डका इश सोधीले ४ विकेट लिए। टिम साउथी र ट्रेन्ट बोल्टले २-२ विकेट लिए।