रोहित हिट किङ कोहली पुन: फ्लप, तेस्रो टेस्टमा भारत मजबुत


क्रिकेट

एजेन्सी- इंग्लाण्डविरूद्धको तेस्रो टेष्ट क्रिकेटमा घरेलु टिम भारतले उत्कृष्ट प्रदर्शन गरेको छ । चार टेष्ट सिरिज खेल्न भारत भ्रमणमा रहेको पाहुना टोली इंग्लाण्ड तेस्रो टेष्टको पहिलो इनिङ्समा ११२ रनमा अलआउट भएको छ । अहमदाबादमा टस जितेर पहिले ब्याटिङ गरेको इंग्ल्यान्ड पहिलो दिनमै १ सय १२ रन जोड्दा अलआउट भएको हो ।

इंग्ल्यान्डका लागि जाक क्रलेले सर्वाधिक ५३ रनको अर्धशतकीय इनिङ्स खेले । कप्तान जोय रुटले १७ रन जोड्दा बेन फोकेसले १२ र जोफ्रा आर्चरले ११ रन बनाए । अन्य खेलाडीले दोहोरो अंक जोड्न सकेनन् । भारतका अक्षर पटेलले ६ विकेट लिए । रविचन्द्र आश्विनले ३ तथा इशान्त शर्माले १ विकेट लिए ।

पहिलो दिनमै जवाफी ब्याटिङ थालेको भारतले २८.५ ओभर खेल्दै २ विकेटको क्षतिमा ९० रन बनाएको छ । भारत पहिलो इनिङमा अब २२ रनले मात्रै पछि छ । भारतका ओपनर रोहित शर्मा ८२ बलमा ९ चौका सहित ५७ रनमा अविजित छन् । अजिंक्या रहाने १ रनमा अविजित छन् । दिनको अन्तिम समयमा स्पिनर ज्याक लेचले कप्तान विराट कोहलीलाई २७ रनमा बोल्ड आउट गरे ।

विराटले ५८ बलमा ३ चौका प्रहार गरे । तेस्रो विकेटका लागि विराट र रोहितले एक सय बलमा ६४ रनको महत्वपूर्ण साझेदारी गरेका थिए । ओपनर सुभमन गिल ११ र चेतेश्वर पुजारा शून्यमा आउट भए । ज्याक लेचले २ र जोफ्रा आर्चरले एक विकेट लिए ।