सुपर फ्लप के एल राहुलले बनाए निकै शर्मनाक र लज्जाष्पद रेकर्ड जुन कोहि बनाउन चाहदैनन्


Featured, क्रिकेट

एजेन्सी। घरेलु टिम भारतविरुद्धको तेस्रो टी–ट्वान्टी क्रिकेटमा इंग्ल्यान्डले जित निकालेको छ । मंगलबार राति अहमदाबादमा भएको खेलमा इंग्ल्यान्डले भारतलाई ८ विकेटले पराजित गरेको हो । भारतले दिएको १ सय ५७ रनको लक्ष्य इंग्ल्यान्डले १८ ओभर २ बलमा २ विकेट गुमाएर पूरा गर्यो । इंग्ल्यान्डको जितमा जोस बट्लरले ८३ रनको अर्धशतकीय इनिङ्स खेले । अविजित रहेका उनले ५२ बलमा ५ चौका र ४ छक्का प्रहार गरे ।

यस्तै जोनी बेयर्स्टोले २८ बलमा ५ चौकासहित अविजित रहदै ४० रन बनाए । डेविड मालेन १८ रनमा आउट हुँदा जोसन रोयलले ९ रन बनाए । भारतका युजभेन्द्र चाहल र वासिङ्गटन सुन्दरले १-१ विकेट लिए । यसअघि पहिले ब्याटिङ गरेको भारतले २० ओभरमा ६ विकेट गुमाएर १ सय ५६ रन बनाएको थियो । भारतका लागि कप्तान विराट कोहलीले अविजित रहदै ७७ रन बनाए ।

यस्तै ऋषव पन्तले २५ रन जोड्दा हार्दिक पाण्डयले १७ रन बनाए । रोहित शर्मा १५ रनमा आउट भए । भारतीय टिमका ओपनिङ ब्याट्सम्यान केएल राहुल शून्यमै आउट भए । उनी दोस्रो टी-२० मा पनि शून्यमै आउट भएका थिए । योसँगै राहुल अन्तर्राष्ट्रिय क्रिकेटमा लगातार दुई पटक शून्यमै आउट हुने पहिलो भारतीय ब्याट्सम्यान बनेका छन् । उनी हालसम्म अन्तर्राष्ट्रिय टी-२० मा चार पटक शून्यमै आउट भएका छन् ।

आज खाता खोल्न नसकेपछि केएल टी-२० मा सर्वाधिक शून्यमै आउट हुने मामलामा दोस्रो स्थानमा उक्लिएका छन् । अन्तर्राष्ट्रिय टी-२० मा सर्वाधिक शून्यमै आउट हुने खराब कीर्तिमान भने रोहित शर्माको नाममा छ । उनी हालसम्म यो प्रारूपमा ६ पटक शून्यमै आउट भएका छन् । इंग्ल्यान्डका मार्क उडले ३ विकेट लिए भने क्रिस जोर्डनको नाममा २ विकेट रह्यो । जितसँगै ५ खेलको सिरिजमा इंग्ल्यान्डले २–१ को अग्रता बनाएको छ ।