आफ्नो हौषला बढाएको भन्दै स्टेडियममै खेलाडीले लाए नारा ‘केपी बा वी लभ यू’


Featured, खेलकुद

काठमाडाैं, १६ चैत । थ्रि नेसन्स कपको उपाधि नेपालले जितेको छ । सोमबार भएको फाइनल खेलमा बंगलादेशलाई २–१ गोल अन्तरले हराउँदै नेपालले उपाधि जितेको हो । योसँगै नेपाली फुटबल इतिहासमा अर्को सफलता थपिएको छ । दशरथ रंगशालामा भएको फाइनलखेलमा नेपालका लागि सन्जोग राई र विशाल राईले पहिलो हाफमा एक–एक गोल गरे ।

बंगलादेशले भने खेलको ८३ औं मिनेट एक गो फर्काएको हो । प्रतिस्पर्धात्मक रहेको खेलमा नेपालले दुई गोल गर्दै गोलको खडेरी समेत अन्त्य गरेको छ । नेपालले नेपाली भूमिमा जितेको यो फुटबलको दोस्रो उपाधि मात्र हो ।

यसअघि सन् १९८४ मा उनले काठमाडौंमा भएको पहिलो दक्षिण एसियाली खेलकुदका पुरुष तर्फ स्वर्ण जितेको थियो अन्तर्राष्ट्रिय फुटबलमा नेपालले जितेको यो समग्रमा पाँचौं उपाधि हो । फाइनल खेल हेर्नका लागि प्रधानमन्त्री केपी शर्मा ओली सोमबार रंगशाला पुग्नु भएको छ । उनले खेलाडीहरुसँग हात मिलाउने र दर्शक दीर्घातर्फ हात हल्लाएर अभिवादन समेत गरेको छ ।

थ्री नेसन्स कपको उपाधि जितेसँगै नेपाली राष्ट्रिय फुटबल टोलीका खेलाडीले प्रधानमन्त्री केपी शर्मा ओलीलाई सम्मान स्वरुप ‘केपी बा वी लभ यू’ भन्दै पटक-पटक नारा लगाएका छन्। उपाधि समारोहमा सामूहिक तस्बिर खिचाउनेक्रममा खेलाडीले ‘केपी बा वी लभ यू’भन्दै नारा लगाएका हुन्।

खेलाडीलाई हौसला बढाउन प्रधानमन्त्री ओली बंगलादेश र नेपालबीच भएको थ्री नेसन्स कपको फाइनल खेलमा प्रमुख अतिथिको रुपमा दशरथ रंगशालामा पुगेका थिए। घरेलु मैदानमा खेलाडीलाई शुभकामना दिन मैदानमा प्रवेश गर्न जाँदा र रेफ्रीलाई फाइनल ‘म्याच बल’ हस्तान्तरण गर्दादेखि नै हजारौँ दर्शकले प्रधानमन्त्री र खेलाडीलाई हुटिङ गरेका थिए।