ठुलो खुसिको खबर ! भारी मत ल्याउँदै किरण चेम्जोङ बने उत्कृष्ट एसियाली खेलाडी


खेलकुद

काठमाडौं। नेपाली राष्ट्रिय टोलीका कप्तान तथा गोलरक्षक किरण कुमार चेम्जोङ एसियाकै साताको उत्कृष्ट खेलाडी बनेका छन् । किरण यो उपाधि जित्ने पहिलो नेपाली खेलाडी समेत हुन्। नेपालले घरेलु भूमिमा ३७ वर्षपछि उपाधि जित्दा नायक बनेका उनले ५५.६९ प्रतिशत मत ल्याउदै ‘एएफसी प्लेयर अफ दि विक’ बन्न सफल भए।

दोस्रो स्थानमा साउदी अरेबियाका सलेह अल–सेहेरी रहे। उनको कुल २०.७२ प्रतिशत र तेस्रो स्थानका ईराकका अल अली महवइले १०.१६ प्रतिशत मत पाए। अखिल नेपाल फुटबल संघ (एन्फा)को आयोजनामा सोमबार सम्पन्न थ्री नेशन्स कपमा नेपालले उपाधि जित्दा किरण कप्तान थिए । उनको कप्तानीमा नेपालले पहिलो उपाधि जितेको थियो । जसमा तीन खेल खेल्दा किरणले दुई क्लिनसिट राखे भने एक गोल मात्र व्यहोरे । त्यही प्रदर्शनको आधारमा एएफसीले किरणलाई पनि मनोनयनमा राखेको जनाएको छ ।

बंगलादेश र किर्गिस्तानको यू-२३ टोली समावेश थ्री नेशन्स कपमा नेपालले बंगलादेशलाई २-१ ले पराजित गर्दै उपाधि जितेको थियो । यस्तै विराझ महर्जनले पनि यसै खेलपछि सन्यास लिए र उनको सन्यास पनि सुखद बन्यो ।

प्लेअर अफ दि विकको मनोनयनमा किरणसँगै ताजिकिस्तानका एलिसेर जाहालिलोभ, जोर्डनका मुसा अल तामारी, बहराइनका मोहमेद मरहुन, इराकका अला अली महावी, साउदी अरेवियाका सलेह अल सेहरी, इरानका सरदार अज्मोउन, जापानका युया ओसाका, कतारका मोहमेद मुन्तारी र यूएईका अली मब्खोतुन रहेका छन् ।

केही दिनअघि मात्रै किरण भारतको आइलिगमा उत्कृष्ट गोलकिपर घोषित भएका थिए । राउण्डग्लास पञ्जाबका लागि १४ खेल खेलेका उनले ७ खेलमा क्लिनसिट राखेका थिए । यस्तै उनी यस सिजनको आइ लिग टिम अफ दि सिरिजमा पनि पर्न सफल भएका छन् ।

नेपाली राष्ट्रिय फुटबल टिमको प्रशिक्षकमा अब्दुल्लाह अलमुताइरी नियुक्त

नेपाली राष्ट्रिय फुटबल टिमको प्रशिक्षकमा कुवेतका अब्दुल्लाह अलमुताइरी नियुक्त भएका छन् । अखिल नेपाल फुटबल संघ ‘एन्फा’ले उनलाई तत्काल लागू हुने गरी राष्ट्रिय टिमको जिम्मेवारी दिएको हो । काठमाडौंमा सम्पन्न थ्री नेशस्नस कपमा नेपाललाई उपाधि दिलाएका प्रशक्षिक बालगोपाल महर्जनलाई प्रतिस्थापन गर्दै अल्मुटाइरी नेपाली राष्ट्रिय फुटबल टोलीको मुख्य प्रशिक्षकको बनेका हुन ।

काठमाडौंमा आइतबार आयोजित एक कार्यक्रममा नवनियुक्त मुख्य प्रशिक्षक अलमुताइरीले थ्री नेसन्स कप उचाल्दा नेपाली समर्थक धेरै खुसी देखिएको भन्दै आगामी दिनमा यस्ता थप खुसीहरु दिने प्रतिवद्धता जनाउनुभयो । ४० वर्षीय अलमुताइरीले कम्तीमा एक बर्ष मुख्य प्रशिक्षकको जिम्मेवारी सम्हाले छन् ।

यस समय अवधिमा उनले विश्वकप छनोट र साफ च्याम्पियनसिपमा नेपाली टिमको नेतृत्व लिनेछन् । अन्तर्राष्ट्रिय फुटबल महासंघ (फिफा) र एसियाली फुटबल महासंघ (एएफसी) ले राष्ट्रिय टिमका प्रशिक्षक हुन प्रो–लाइसेन्स अनिवार्य गरेपछि अलमुताइरीको नेपाली फुटबलमा प्रवेश भएको हो ।

कतार फुटबल संघसँगको सहकार्यमा उनी नेपाल आएका हुन । अलमुताइरीको पारिश्रमिक कतारी फुटबल संघले बेहोर्नेछ भने नेपाल बसाइको खर्च एन्फाले गर्नेछ । र्थी नेशन्स कपको उपाधि दिलाएका प्रशिक्षक बालगोपाल महर्जनलाई एन्फाले प्रो–लाइसेन्सका लागि कतार पठाउने निर्णय गरेको प्रवक्ता किरण राईले जानकारी दिनुभयो ।