यसकारण किङ कोहलीको आरसीबीले पहिलो पटक आईपिएल जित्ने


क्रिकेट

काठमाडौं : इन्डियन प्रिमियर लिग (आईपिएल) अर्को हप्ताबाट सुरु हुदैछ । १४ बर्ष देखि कहिलै आईपिएल जित्न नसकेको बिराट कोहलीको कप्तानीमा रहेको रोयल च्यालेन्जर्स बैंग्लोर (आरसीबी)लाई यसपटक भने उपाधी जित्ने मौका रहेको छ । आसन्न आईपीएलमा आरसीबीले पहिलो म्याच मुम्बई इण्डियन्सविरुद्ध खेल्दैछ । मुम्बई र आरसीबीबीचको म्याच ९ अप्रिलमा हुनेछ । आज हामी तपाईंलाई बिराट कोहलीको कप्तानीमा रहेको रोयल च्यालेन्जर्स बैंग्लोर (आरसीबी)ले आईपिएल जित्ने केहि आधारहरु प्रस्तुत गर्दैछौ ।

विराटको नेतृत्वमा रहेको बेंगलोरलाई सफल खेलाडीको असफल टोली भन्ने गरिन्छ । टोलीमा विश्व क्रिकेटका चर्चित खेलाडी रहेपनि उपाधि बिहिन छ । २०११ देखि अहिलेसम्म उनको कप्तानीमा आरसीबीले १ सय २५ खेल खेल्यो, यसमध्ये केवल ४४ प्रतिशत अर्थात् ५५ खेलमात्रै जितेको छ । बेंगलोर उपाधिविहिन यात्रामा पूर्णविराम लगाउन चाहन्छ । टोलीलाई बलियो बनाउन अष्ट्रेलिया अलराउन्डर ग्लेन म्याक्सवेललाई १४ करोड २५ लाख भारु खर्चेको थियो ।

म्याक्सवेलको आगमनले बेंगलोरको तल्लोक्रमको ब्याटिङ मजबुत बनेको छ । बेंगलोरको मुख्य समस्या तीव्र गतिको कमजोर बलिङ हो । त्यसैले यस सिजनको अक्सनमा बेंगलोरले न्युजिल्यान्डका तीव्र गतिका बलर काईल जामिसनलाई १५ करोड भारु खर्चेको थियो । जामिसनसँगै बेगलोरमा अष्ट्रेलिया तीव्र गतिका बलर केन रिचर्डसन, ड्यानियल साम्स, डेन क्रिष्टियन तथा भारतीय नवदीप सैनी र मोहम्मद सिराज छन् ।

साम्सले गतवर्ष दिल्लीबाट खेलेका थिए । रिचर्डसनले गत सिजनमा व्यक्तिगत कारण देखाउँदै नाम फिर्ता लिएका थिए । क्रिष्टियनले अन्य लिगमा राम्रो गर्दै आएका छन् । यी तीनै खेलाडी तल्लोक्रममा राम्रो ब्याटिङको क्षमता राख्छन् । स्पिनरमा भारतीय टोलीका नियमित सदस्य युजभेन्द्र चहलसँगै वासिन्टन सुन्दर र अष्ट्रेलिया एडम जाम्पा जस्ता विश्वस्तरिय खेलाडी छन् ।

ओपनिङमा युवा खेलाडी देवदत्त पाडिक्कल र विराटले गर्नेछन् । दुबै उच्च लयमा छन् । पाडिक्कले गत सिजनमा आइपिएलमा उत्कृष्ट प्रदर्शन गरेका थिए । पाडिक्कलले यसै महिना सम्पन्न लिष्ट ए मान्यता प्राप्त विजय हजारे ट्रफीमा लगातार चार शतक प्रहार गरेका थिए । एवि डिभिलियर्स बेंगलोरका ब्याटिङका प्रमुख हतियार र कर्णधार हुन् । डी भिलियर्स उनले एकै ओभरमा खेललाई मोड्न सक्छन् ।

ब्याटिङमा विराट, पाडिक्कल, डिभिलियर्स, म्याक्सवेल लगायतका खेलाडी हुँदा बलियो छ । तीव्र गति र स्पिन पनि त्यतिनै राम्रो छ । अर्कोतर्फ आइपिएलका सर्वाधिक सफल ब्याट्सम्यान विराटलाई उपाधिको भोक छ । उपाधिको भोकमा यस पटक विराट मेटाउन चाहन्छन् ।

गत सिजन कोहलीसँग आरसीबीलाई उपाधि जिताउने सुनौलो अवसर थियो । टिमले प्ले अफमा स्थान बनाएको थियो । तर, एलिमिनेटर राउन्डमा सनराइजर्स हैदरावादले ६ विकेटले हरायो । त्यस सिजन कोहलीले १५ खेलमा ४ सय ६६ रन बनाएका थिए । उनी टिमका सर्वाधिक रनकर्ताको सूचीमा दोस्रो स्थानमा थिए । आरसीबीका लागि यस सिजन युवा खेलाडी देवदत्त पडिक्कलले १५ खेलमा सबैभन्दा धेरै ४ सय ७३ रन बनाएका थिए ।

 

रोयल च्यालेन्जर्स बैंग्लोर : विराट कोहली (कप्तान), एबी डि भिलियर्स, एडम जम्पा, ड्यानियल क्रिष्टियन, देवदत्त पाडिकल, ग्लेन म्याक्सवेल, हर्षल पटेल, जोसुवा फिलिप, केन रिचार्डसन, केएस भरत, केल जेमिसन, मोहम्मद अजरुद्धिन, मोहम्मद सिराज, नवदीप सैनी, पवन देशपाण्डे, रजत पतिदार, सचिन बेबी, सहबाज अहमद, युयश प्रभुदेसाइ, वासिङ्टन सुन्दर र युजभेन्द्र चाहल।