आईपिएलको यो शर्मनाक रेकर्ड जहाँ छन् १३ मध्ये १२ भारतिय खेलाडी


क्रिकेट

काठमाडौं : इन्डियन प्रिमियर लिग (आईपीएल) को १४ औँ सिजन आगामी अप्रिल ९* देखि शुरु हुँदैछ । यहाँ आईपीएलको त्यो रेकर्डको चर्चा गरिँदैछ जसको बारे कुनै पनि ब्याट्सम्यानले बताउन चाहँदैन । लज्जास्पद रेकर्डमध्येको एउटा रेकर्डमा भने भारतीय खेलाडीको कब्जा छ । त्यो रेकर्ड हो सबैभन्दा धेरै पटक शुन्यमा आउट हुने रेकर्ड ।

आईपीएलमा हालसम्म १३ जना खेलाडी १० या सोभन्दा बढी पटक शून्यमा आउट भएका छन् । यो सूचीमा मात्र एक जना विदेशी खेलाडी छन्, ग्लेन म्यासवेल । म्याक्सवेलले हालसम्म ८२ खेलमा १० पटक खाता नै नखोली आउट भएका छन् । म्याक्सवेलले दिल्ली डेयरडेभिल्स, किंग्स इलेभेन पञ्जाब र मुम्बई इन्डियन्सबाट आईपीएल खेलेका छन् । १४ औँ सिजनका लागि विराट कोहलीको कप्तानीमा रहेको रोयल च्यालेन्जर्स बैंग्लुरुले उनलाई १४.२५ करोड भारतीय रुपैयाँमा खरिद गरेको छ ।

रोहित–रहाणे १३ पटक शुन्यमा आउट

प्रतियोगितामा चार खेलाडी सर्वाधिक १३ पटक शून्यमा आउट भएका छन् । यसमा रोहित शर्मा, हरभजन सिंह, पार्थिव पटेल र अजिंक्य रहाणे रहेका छन् ।

धेरै शून्यमा आउट हुनेमध्ये म्याक्सवेल एक्ला खेलाडी हुन् जसले १ सय खेलभन्दा कम खेलेका छन् । उनीबाहेक मनदीप सिंहले १०४ खेलेका छन् भने बाँकी खेलाडीले १३० खेलभन्दा बढी खेलेका छन् ।

१३ खेलाडीको सूचीमा ९ जना ब्याट्सम्यान र ३ जना बलर हरभजन सिंह, पीयूष चावला र अमित मिश्रा रहेका छन् ।

एपिएफलाई हराउँदै न्यु डायमन्ड स्पोर्ट्स क्लब फाइनलमा

साबिक विजेता एपिएफलाई हराउँदै न्यु डायमन्ड स्पोर्ट्स क्लब पाँचौ आरबीबी एनभिए राष्ट्रिय महिला तथा पुरुष क्लब लिग भलिबलको महिलातर्फ फाइनलमा प्रवेश गरेको छ ।

त्रिपुरेश्वर स्थित राष्ट्रिय खेलकुद परिषदको कभर्डहलमा बुधबार सम्पन्न महिला तर्फको खेलमा न्यु डायमन्डले चिरपरिचि प्रतिद्वन्द्वी एपिएफमाथि ३–१ को सेटमा जित निकाल्दै अन्तिम दुईमा स्थान बनाएको हो । निकै रोमाञ्चक खेलमा न्यु डायमन्डले एपिएफमाथि जित निकाल्दै फाइनलमा नेपाल पुलिससँगको भेट पक्का गरेको हो ।

पुलिसले त्रिभुवन आर्मी सोझो ३ सेटमा सेटमा हराएर फाइनलमा स्थान सुरक्षित गरेको हो । फाइनल खेल बिहीबार हुनेछ ।