रेफ्रीलाई धकेल्ने रोनाल्डोलाई ५ खेलमा प्रतिबन्ध


खेलकुद

काठमाडौं । रियल म्याड्रिडका मुख्य खेलाडी क्रिष्टियानो रोनाल्डो पांच खेलका लागि प्रतिबन्धमा परेका छन। आइतबार स्पेनिस ‘सुपर कप’ अन्तर्गत बार्सिलोनासंगको खेलमा रेफ्रिलाई हातले धकेलिदिएपछि रातो कार्ड पाएका रोनाल्डो पांच खेलका लागि प्रतिबन्धमा परेका हुन।

स्पेनिस सुपर कपको पहिलो लेगमा रियल मडि्रडले बार्सिलोनालाई ३-१ ले हराउँदा रोनाल्डोले रातो कार्ड पाएका थिए । ८० औं मिनेटमा बार्सिलोनाविरुद्ध गोल गरेको दुई मिनेटपछि नै रातो कार्ड पाएका उनले रेफ्रीमाथि धकेलेका प्रयोग गरेका थिए । रेफ्रीले आफ्नो म्याच रिपोर्टमा रोनाल्डोले आफूलाई हल्का धकेलेको उल्लेख गरेका छन् ।

अगामी बुधबार हुने ‘स्पेनिस सुपर कप’ दोश्रो लिगमा उनले खेल्न पाउने छैनन् । त्यस्तै, अगष्ट २० र २७ तथा सेप्टेम्बर ९ र १७ मा हुने ‘ला लिगा’समेत खेल्न पाउने छैनन् । तर, उनले यस निर्णयको अपिल भने १० दिनभित्र गर्न पाइने बताइएको छ ।