अमित मिश्राले गरे मुम्बईको पत्तासाफ, सन्दिपको पुर्व टिम दिल्लीलाई दियो मात्र १३८ रनको झिनो लक्ष्य


समाचार

चेन्नई । इन्डियन प्रिमियर लिग (आइपिएल) अन्तर्गत मंगलबार साविक विजेता मुम्बई इन्डियन्सलाई दिल्ली क्यापिटल्सले १३७ रनमा रोकेको छ । यो योगफलमा पुग्न मुम्बईले आफ्ना ९ विकेट गुमाएको थियो ।

चेन्नईको मैदानमा टस जितेर पहिला ब्याटिङमा उत्रिएको मुम्बई इन्डियन्सले अपेक्षाअनुसार प्रदर्शन गर्न सकेन । दिल्ली क्यापिटल्सका बलरहरुले मुम्बईका ब्याट्सम्यानलाई क्रिजमा जम्न दिएनन् । परिणामस्वरुप मुम्बईले औसत योगफलमै चित्त बुझाउनु प¥यो ।

म्बईका लागि कप्तान रोहित शर्माले ४४ रनको योगदान गरे । ३० बल खेलेका उनले ३ चौका र ३ छक्का प्रहार गरे । त्यस्तै सर्यकुमार यादवले २४ रन बनाउँदा इशन किशनले २६ रन तथा जयन्त यादवले २३ रनको योगदान गरे । मुम्बईका लागि अन्य कुनै ब्याट्सम्यानले दोहोरो रन जोड्न सकेनन् ।

मुम्बईलाई सस्तोमै समेट्नका लागि दिल्ली क्यापिटल्सका बलर अमित मिश्राले चार ओभरमा २४ रन खर्चिएर महत्त्वपूर्ण चार विकेट लिए । यस्तै अवेश खानले दुई तथा मर्कोस स्टोइनिस, कसिगो र बाडा र ललित यादवले एक÷एक विकेट लिए ।

अंक तालिकामा दिल्ली क्यापिटल्स तेस्रो र मुम्बई इन्डियन्स चौथो नम्बरमा छ । दुवैले तीन खेलमा दुई जित र एक पराजय ब्यहोरेका छन् ।