आईपिएलमा बुमराहले बनाए निकै शर्मनाक र लज्जाष्पद रेकर्ड जुन कुनै पनि बलरले बनाउन चाहदैनन्


क्रिकेट

काठमाडौं बैशाख ८ : इन्डिय प्रिमियर लिग (आइपिएल) टिम मुम्बई इन्डियन्सका तिव्र गतिका बलर जसप्रित बुमराहले एक खराब रेकर्ड आफ्नो नाममा गराएका छन् ।

मंगलबार दिल्ली क्यापिट्ल्स विरुद्धको खेलमा १९ औँ ओभरमा २ नो बल फाल्दै उनी आइपिएल इतिहासकै सर्वाधिक नो बल फाल्ने बलर बने ।

बुमराहको यो आइपिएलमा २५ औँ नो बल थियो । उनले श्रीसन्तको रेकर्ड तोडेका हुन् । श्रीसन्तको नाममा २३ आइपिएल नो बल छ । अमित मिश्रा र इशान्त शर्माले आइपिएलमा समान २१-२१ नो बल फालेका छन् ।

आईपीएलमा दिल्लीको तेस्रो जित

भारतमा जारी आईपीएलमा दिल्ली क्यापिटल्सले तेस्रो जित निकालेको छ । गएराति भएको खेलमा मुम्बईविरुद्धको खेलमा दिल्ली ६ विकेटले विजयी भयो । जितका लागि १३८ रनको विजयी लक्ष्य पछ्याएको दिल्लीले १९ दशमलव १ ओभरमा ४ विकेट गुमाउँदै पूरा गरेको हो । दिल्लीका लागि स्टेभन स्मिथ र शिखर धवनले क्रमश ३३ र ४५ रनको पारि खेले ।

दिल्लीका ललित यादव २२ र शिम्रन हेटमायर १४ रनमा अविजित रहे । शिखर धवन ४२ बलमा ५ चौका र १ छक्का सहित ४५ रनमा आउट भए । स्टिभ स्मिथ २९ बलमा ४ चौका सहित ३३ रनमा आउट भए । दोस्रो विकेटका लागि धवन र स्मिथले ५३ रनको साझेदारी गरेका थिए ।

कप्तान ऋषभ पन्त र पृथ्वी शा ७(७ रनमा आउट भए । मुम्बईका जस्प्रित बुमराह, जयन्त यादव, राहुल चहर र काइरन पोलार्डले १–१ विकेट लिए । यसअघि टस जितेर ब्याटिङ थालेको मुम्बईले निर्धारित २० ओभरमा ९ विकेट गुमाउँदै १३७ रन बनाएको थियो ।

मुम्बईका ओपनर तथा कप्तान रोहित शर्माले ३० बलमा ३ चौका र ३ छक्कासहित सर्वाधिक ४४ रनको योगदान दिए । चार खेल खेलेको दिल्लीले ३ मा जित र १ मा हार सहित ६ अंकका साथ दोस्रो स्थानमा छ । रोयल च्यालेन्जर्स बेंगलोर ३ खेलमा ६ अंकका साथ शीर्षस्थानमा छ ।

यस्तै चेन्नई सुपर किंग्स ३ खेलमा २ मा जित र २ मा हारसहित ४ अंकका साथ तेस्रो स्थानमा छ । मुम्बई ४ खेलमा समान २ मा हार र २ मा जित सहित चौथो स्थानमा छ । यसैबीच आज हुने खेलमा पन्जाब किङ्स् र सनराइजर हैदराबादबीच प्रतिष्पर्धा हुने छ ।