कास्की एन्फा अध्यक्षलाई झा’प’ड हान्ने मनाङे बने खेलकुद मन्त्री, खेल क्षेत्रमा कायापलट गर्ने


खेलकुद

तस्बिरहरू : पत्रकार सुदर्शन रञ्‍जित/पोखरा

काठमाडौँ । गण्डकी प्रदेश सरकारका मुख्यमन्त्री पृथ्वीसुब्बा गुरुङले मन्त्रिपरिषद् विस्तार गरेका छन् । राजीव गुरुङ (दीपक मनाङे ) युवा तथा खेलकुद मन्त्री बनेका छन् । उनले केही बेरमा शपथ ग्रहण गर्नेछन् । शपथ ग्रहणअघि सञ्चारकर्मीहरुसँग उनले आफूले खेल क्षेत्र बुझेकोले नै खेलकुद मन्त्रालय रोजेको बताए ।

‘खेलकुदमा काम मैले पहिलेदेखि गरिरहेको थिएँ । सजिलो हुन्छ । अर्थमा गएर के गर्नु चार जना पीएचडी डक्टर चाहियो अहिले कहाँ खोज्न जाने । युवा खेलकुदमा पहिलेदेखि । गरेको भयो स्पोर्स्टमा नलेज पनि छ । डिजाइन अलमस्ट रेडी छ,’ उनले भने, ‘भोलि कपी पनि दिन्छु । युवाहरुलाई सरकारले गर्न पर्ने केही कुरा छ । यसमा मेरो नलेज छ ।’

उनले आफूले नयाँ दौरा सुरुवाल लगाएर आएको पनि बताए । ‘दौरा सुरुवाल किन्न जा भन्या’थ्यो किन्न गएको थिएँ । यो नयाँ हो,’ कस्तो अनुभूति भएको भन्ने प्रश्नमा उनले भने, ‘अलिअलि निद्रा लाइराछ । सुत्नु पाएको छैन ।’

दीपक मनाङेले केहि महिना अगाडि मनाङका खेलाडीलाई मैदान, खर्च केही नदिएको र सम्झाउँदा नटेरेको भन्दै एन्फा कास्कीका अध्यक्ष मिलन गुरुङको गालामा च’ड्क’न हा’ने’का थिए । लेखनाथको भण्डारढीकमा आयोजित मुख्यमन्त्री कप फुटबल प्रतियोगिताका क्रममा खेल व्यवस्थापन राम्रो नभएको भन्दै मनाङेले गुरुङमाथि थ’प्पड हा’नेको सार्वजनिक रुपमा नै अभिब्यक्ति समेत दिएका थिए ।

दीपक मनाङ्गेले लिए मन्त्रीको सपथ

दीपक मनाङ्गेले खेलुकद मन्त्रीको शपथ लिएका छन् । दीपक मनाङ्गे भनेर चिनिने मनाङ ‘ख’ बाट गण्डकी प्रदेश सभा सदस्य निर्वाचित राजीव गुरुङले पद तथा गोपनीयताको सपथ लिएका हुन् ।

मुख्यमन्त्री पृथ्वीसुब्बा गुरुङको उपस्थितिमा प्रदेश प्रमुख अमिक शेरचनले सपथग्रहण गराएका हुन् । सपथ ग्रहणमा मनाङे निलो रंगको कोट र दौरा सुरुवालमा ठाँटिएका थिए ।