किङ मेसि चम्किदा बासिलोनाको शानदार जित, मेसि एक्लैले ठोके दुई गोल


खेलकुद

एजेन्सी । कप्तान लियोनेल मेस्सी चम्कदा बार्सिलोनाले स्पेनिस ला लिगामा भ्यालेन्सियामाथि जित निकालेको छ । गएराति भएको खेलमा बार्सिलोनाले भ्यालेन्सियामथि ३-२ को जित निकालेको हो ।

बार्सिलोनालाई जित दिलाउनको लागि कप्तान मेस्सीले दुई गोल गरे भने एक गोल एन्टोइन ग्रिजमनले थपे । घरेलु टोली भ्यालेन्सियाका लागि गाब्रियल पाउलिस्टा र कार्लोस सोलेरले समान एक/एक गाल गरे । पाँचै गोल दोस्रो हाफमा सम्भव भएको थियो ।

खेलको ५०औं मिनेटमा गाब्रियलले गोल गर्दै घरेलु टोली भ्यालेन्सियालाई अग्रता दिलाएका थिए । उनले कार्लोस सोलेरको पासमा गोल गरेका थिए । तर भ्यालेन्सियाको त्यो अग्रता लामो समय टिकेन । ५७ औँ मिनेटमा कप्तान मेस्सीले गोल गर्दै खेल बराबरीमा ल्याए ।

६३औं मिनेटमा एन्टोइन ग्रिजमनले गोल गर्दै बार्सिलोनालाई २-१ को अग्रता दिलाए । ६९औं मिनेटमा मेस्सीले फ्रिकिकमा सिधै गोल गर्दै बार्सिलोनालाई ३-१ ले अघि बढाए । सोलेरले मेस्सीलाई फल गरेपछि बार्सिलोनाले फ्रिकिक पाएको थियो ।

८३औं मिनेटमा कार्लोस सोलेरले क्रिपस्टयन ओलिभाको पासमा गोल गर्दै खेललाई ३-२ को अवस्थामा ल्याए । त्यसपछि बाकीँ समयमा दुवै टोलीबाट थप गोल हुन नसक्दा खेल बार्सिलोनाले जित्यो ।

यो जितसँगै ३४ खेलबाट ७४ अंक जोड्दै बार्सिलाेना लिगको तेस्रो स्थानमा छ । समान खेल खेलेको एट्लेटिको ७६ अंकसहित शीर्षस्थानमा छ । दोस्रो स्थानको रियल म्याड्रिडसँग अंक बराबरी भएपनि हेड टु हेडमा बार्सिलाेना पछि परेकाे हाे । पराजित भ्यालेन्सिया ३६ अंक जोडेर १४औं स्थानमा छ ।