हिजो आईपिएलको खेल स्थगित, आज मुम्बई र हैदरावादबिच खेल हुन्छ कि हुन्न ? आफै हेर्नुस


क्रिकेट

काठमाडौं । इन्डियन प्रिमियर लिग (आईपीएल) टी–ट्वान्टी क्रिकेटअन्तर्गत आज सनराइजर्स हैदराबादले मुम्बई इन्डियन्ससँग खेल्दै छ । दिल्लीमा हुने दुई टोलीबीचको खेल नेपाली समयानुसार बेलुकी ७ः४५ मा सुरु हुनेछ ।

हैदराबादलाई अघिल्लो चरण प्रवेशको सम्भावना जीवित राख्न आजको खेलमा जित निकाल्नैपर्ने दबाब छ । लिगमा सात खेल खेलेको हैदरावाद २ अंकका साथ तालिकाको पुछारमा छ । आजको खेलमा विजयी भए एक स्थानमाथि उक्लनेछ ।

मुम्बई आजको खेलमा जित निकाल्दै तालिकामा एक स्थानमाथि उक्लने योजनामा छ । मुम्बई चौथो स्थानमा छ । आजको खेल जिते तेस्रो स्थानमा पुग्नेछ ।

मुम्बईको सम्भावित प्लेइङ-११ : रोहित शर्मा (कप्तान), क्विन्टन डिकक, सूर्यकुमार यादव, हार्दिक पाण्ड्या, किरण पोलार्ड, कृणाल पाण्ड्या, जिमी निशम/नाथन कुल्टर नाइल, धवल कुलकर्णी/जयन्त यादव, राहुल चहर, जसप्रीत बुमराह र ट्रेन्ट बोल्ट।

हैदराबादको सम्भावित प्लेइङ–११: जोनी बेयरस्टो, मनीष पाण्डे, केन विलियमसन (कप्तान), केदार जाधव/प्रियम गर्ग, विजय शंकर, मोहम्मद नाबी/डेविड वार्नर, अब्दुल समद, राशिद खान, खलील अहमद/अभिषेक शर्मा, सन्दीप शर्मा र भुवनेश्वर कुमार।