Breaking News ! लगातार खेलाडीमा कोरोना देखिएपछि आईपिएल रद्ध


क्रिकेट

एजेन्सी। इन्डियन प्रिमियर लीग (आईपीएल) का खेलहरू स्थगित गरिएको भारतीय सञ्चारमाध्यमहरूले खबर दिएका छन् । बीसीसीआई स्रोतहरूको हवाला दिँदै यो खबर दिइएको हो । विभिन्न टीमका खेलाडीमा कोरोना संक्रमण देखिएपछि यो निर्णय लिइएको बताइएको छ ।

आईपीएलमा कोलकाता नाइट राइडर्सका दुई खेलाडी, सनराइजर्स हैदराबादका एक खेलाडी र चेन्नई सुपर किङ्सका तीन अफिसियलमा कोरोना देखिएपछि आईपीएल स्थगित गर्ने निर्णय गरिएको क्रिक इन्फोले बताएको छ ।

आईपीएल रद्ध भएपछी भारतले करिब दुई हजार करोड भारतीय रुपैया (भारु) नोक्सान ब्यहोर्नु पर्नेछ। आईपीएलको सफल आयोजना सम्पन्न भएमा बीसीसीआईलाई तीन हजार करोड भारु मुनाफा हुनेछ। टेलीग्रामको एक रिर्पोटअनुसार विश्व क्रिकेटको अर्थक्षेत्र १५ हजार करोड भारुको छ, जसको ३३ प्रतिशत अर्थात ५ हजार करोड भारु आईपीएलबाट आउने गर्दछ।