नेपाली स्टार स्पिनर सन्दिप लामिछानेले भने : ‘पारस खड्का राजा हुन्’


क्रिकेट

sandeep paras

काठमाडौं । नेपालका सुपरस्टार बलर सन्दीप लामिछानेले नेपाली पुर्व कप्तान पारस खड्का किङ भन्दै तारिफ गरेका छन् । मंगलबार सामाजिक संञ्जाल फेसबुक,ट्विटर र इन्टाग्राममा एकसाथ पारस र आफ्नो फोटो राख्दै ‘वाल्क विद किङ’ भनेर लेखेका छन् ।

सन्दिपको उक्त पोष्टमा नेपाली फ्यानहरुले खुलेर पारस र सन्दिपको तारिफ गर्दै कमेन्टहरु गरिरहेका छन् । केहि महिना अगाडि पारस र सन्दिप बिच मतभेदको खबर बाहिरिएको थियो । यो खबरको पुष्टी गर्दै सन्दिपले पारसलाई सामाजिक संञ्जालमा अल फलो गरेका थिए । त्यसपछि नेपाली क्रिकेट फ्यान सन्दिप प्रति रुष्ट बनेका थिए । तर पारस र सन्दिपले भने मतभेदको खबर झुटो भएको बताउदै आएका थिए ।

भर्खरै काठमाडौंमा भएको त्रिकोणात्मक शिरिजमा पारस खड्काले नखेले पनि सन्दिपले भने प्रतियोगितामा कीर्तिमानी बलिङ गरे । पाँच खेलमा उनले १३ विकेट लिन सफल भए, जुन कुनै पनि टी-२० अन्तर्राष्ट्रिय सिरिजमा नेपाली बलरको उच्च प्रदर्शन हो । प्रतियोगितामा सर्वाधिक विकेट लिने बलर बनेका छन् उनी ।

A walk with the King.👑
Paras Khadka #Respect #2FIVE #JaiNepal

Posted by Sandeep Lamichhane on Tuesday, May 4, 2021

सन्दीपले कुल १९.५ ओभर बलिङ गर्दा ८.२१ को इकोनोमीमा १६३ रन खर्चिए । उनी केही महंगा अवश्य भएका हुन् । तर, आफ्नो ‘विकेट टेकर’ छविलाई कायम राख्न उनी सफल भए । उनले १२.५३ को औसत कायम गरेका छन् ।

ओडिआई र टि-२० विश्व वरियतामा नेपालको सुधार

अन्तर्राष्ट्रिय क्रिकेट परिषद् (आइसिसी) को वार्षिक ओडिआई र टि २० आई वरियतामा नेपालको अवस्था थप सुधार भएको। आइसिसीले सोमबार जारी गरेको नयाँ वरियतामा नेपाल ओडिआई र टि-२० आई दुवैमा एक-एक स्थान सुधार उक्लिएको हो ।

टि-२० आई वरियतामा एक स्थान सुधार गर्दै नेपाल १३औं स्थानमा उक्लिएको छ भने टि-२० आई वरियतामा नेपाल एसियोसियट टोलीमा शीर्षस्थानमा छ । नेपालले यसै महिना मलेसिया र नेदरल्यान्ड्ससँगको टि२० आई त्रिकोणात्मक सिरिज जित्दै १४औं स्थानमा रहेको थियो ।

नेपाल भन्दा पछि टि२० आई वरियतामा स्कटल्यान्ड १४, यूएई १५, पपुवा न्युगिनी १६ र नेदरल्यान्ड्स १७ औं स्थानमा रहेका छन् । आइसिसीले वार्षिक वरियता २०१८/१९ तथा २०१९/२० को नतिजालाई ५० प्रतिशत आधार मान्ने गर्दछ । २०२० को नतिजालाई शत प्रतिशत आधार मान्ने गर्दछ ।