इङ्ल्यान्ड जानु अघि भारतीय टोली ८ दिनको कडा क्वारेन्टिनमा बस्दै


क्रिकेट

एजेन्सी। जुन २ मा इङ्ल्यान्ड भ्रमणअघि भारतीय क्रिकेट टिमले मुम्बईमा ८ दिनको कडा क्वारेन्टिन बस्ने भएका छन्। भारतीय टोलीले इङ्ल्यान्ड टेष्ट च्याम्पियनसिपको फाइनलसहित ६ टेष्ट खेल खेल्नेछ।

त्यस्तै भारतीय टोलीले इङ्ल्यान्डमै पनि १० दिनको सफ्ट क्वारेन्टिन बस्ने भारतीय क्रिकेट बोर्ड (बिसीसीआई)ले उल्लेख गरेको छ। तर यस दौरान खेलाडीलाई प्रशिक्षणको अनुमती भने रहने बिसीसीआईले बताएको छ।

भारतले जुन १८-२२ मा विश्व टेस्ट च्याम्पियनसिपमा न्युजील्याण्डविरुद्ध इङल्याण्डको साउथहम्पटनमा खेल्दै छ । त्यस्तै भारतले इङल्याण्डविरुद्ध ५ खेलको टेस्ट सिरिज पनि खेल्दै छ । टेस्ट सिरिजको पुरा मिति सार्बजनिक नभएपनि अगस्ट ४ देखि सेप्टेम्बर १४ सम्म हुने बताइएको छ ।

इङ्ल्याण्ड भ्रमणका लागि भारतीय टीम

विराट कोहली (कप्तान), अजिंक्य रहाणे, रोहित शर्मा, शुभमन गिल, मयंक अग्रवाल, चेतेश्वर पुजारा, हनुमा विहारी, ऋषभ पन्त (विकेटकीपर), आर अश्विन, रविन्द्र जडेजा, अक्षर पटेल, वाशिंगटन सुन्दर, जसप्रीत बुमराह, इशांत शर्मा, मोहम्मद शमी , मोहम्मद सिराज, शार्दुल ठाकुर, उमेश यादव

त्यस्तै वैकल्पिक खेलाडीको रुपमा चार खेलाडी छानिएको छ । जसमा अभिमन्यू एसवारन, प्रसिद् कृष्ण, आभेश खान र अर्जान नागवाजवाला रहेका छन् ।