मेसिको रेकर्ड तोड्ने भारतिय कप्तान सुनिल क्षेत्री भन्छन् : ‘ म मसिको आसपास पनि छैन, उनि बिश्वकै नम्बर एक खेलाडी हुन्’


खेलकुद

काठमाडौं । सोमबार राति कतारको दोहामा भएको विश्वकप छनोटअन्तर्गतको खेलमा बंगलादेशविरुद्ध दुई गोल गर्दै भारतिय कप्तान सुनिल क्षेत्रीले अन्तर्राष्ट्रिय गोल संख्या ७४ पुर्‍याएका छन्। योसँगै सुनील अहिले सक्रिय खेल जीवनमा रहेका खेलाडी मध्ये बढी अन्तर्राष्ट्रिय गोल गर्ने खेलाडीको सूचीमा मेसिलाई पछि पार्दै दोस्रो स्थानमा उक्लिए।

यो किर्तिमान बनाउने क्रममा सुनिलले भारतका लागि अहिलेसम्म ११७ अन्तर्राष्ट्रिय खेल खेलिसकेका छन्। सक्रिय खेलाडीमध्ये भने पोचुर्गलका क्रिस्टियानो रोनाल्डोको नाममा सबैभन्दा बढी अन्तर्राष्ट्रिय गोलक रेकर्ड रहेको छ । रोनाल्डोले पोर्चुगलका लागि १७४ खेलमा १०३ गोल गरेका छन् । तर सुनिलले मेसिलाई उचिनेपछि धेरैले उनको तुलन मसिसँग गरिरहेका छन् ।

उता स्वयम् सुनिल क्षेत्रीभने आफ्नो तुलना मेसिसँग हनै नसक्ने बताउछन् । ‘मेरो मेस्सीसँग तुलना हुन सक्दैन । उच्च गोलकर्ताको सूचीमा पर्ने जो सुकै पनि खुशी हुन्छ । म पनि खुशी छु । सबै भारतीय प्रशन्‍न छन् । तर मेसिसँग भने आफुलाई दाज्न मिल्दैन । ३६ वर्षिय सुनिलले बुधबार दोहामा आयोजित पत्रकार सम्मेलनमा भने । मेस्सी विश्व फुटबलका महान खेलाडी हुन् । म मात्रै होइन, पूरै विश्व उनको फ्यान हो,’ ।

‘फुटबल बुझ्नेलाई राम्रोसँग थाहा छ, दुई खेलाडीलाई दाज्न मिल्दैन । म यो पक्षमा खुसी छु कि मैले आफ्नो देशको लागि १ सय भन्दा बढी खेलमा प्रतिनिधित्व गर्ने मौका पाएको छु,’ भारतीय कप्तानले भने ।

सक्रिय खेलाडीमध्ये भने पोचुर्गलका क्रिस्टियानो रोनाल्डोको नाममा सबैभन्दा बढी १ सय ३ अन्तर्राष्ट्रिय गोल रहेको छ । रोनाल्डोले पोर्चुगलका लागि १ सय ७४ खेल खेलेका छन् । अहिले खेलिरहेका खेलाडीमध्ये रोनाल्डोपछि सुनील क्षत्री सबैभन्दा अन्तर्राष्ट्रिय गोल गर्ने खेलाडी हुन् । अन्तर्राष्ट्रिय फुटबलमा सबैभन्दा बढी गोल गर्ने खेलाडी भने इरानका अली दाई हुन् । उनले १ सय ४९ खेलबाट १ सय ९ गोल गरेका छन् ।

क्यानले नयाँ आर्थिक कार्यविधि गर्यो पारित, खेलाडीको ‘म्याच फी’ र भत्ता तय

नेपाल क्रिकेट संघ ‘क्यान’ले नयाँ आर्थिक कार्यविधिलाई पारित गरेको छ। मंगलबार बसेको क्यानको बैठकले नयाँ कार्यविधि पारित गरेसँगै खेलाडीले पाउने नयाँ भत्ता र ‘म्याच फी’को पनि संशोधन भएको छ। पुरुषतर्फ नेपाली राष्ट्रिय क्रिकेट खेलाडीले हरेक एकदिवसीय खेल खेले बापत १० हजार तथा टी-ट्वेन्टी खेले बापत ५ हजार नगद रुपैयाँ पाउने भएका छन्। त्यस्तै महिला तर्फ राष्ट्रिय टोलीका क्रिकेट खेलाडीले हरेक एकदिवसीय र टी-ट्वेन्टी खेले बापत क्रमशः ५ हजार र ३ हजार नगद रुपैयाँ पाउने पक्का भएको छ।

क्यानका कोषाध्यक्ष रोशन सिंहले नयाँ कार्यविधि पारित भएसँगै खेलाडीले पाउने ‘म्याच फी’मा संशोधन भएको बताएका छन्। उनले क्यानले गरेको यो निर्णय नेपाली क्रिकेट इतिहासकै पहिलो रहेको पनि बताएका छन्। क्यानको नयाँ कार्यविधिले प्रदेश र जिल्ला संघलाई पनि प्रशासनिक खर्च बापत ३ लाख र १ लाख दिने निर्णय समेत गरेको छ।

त्यस्तै बन्द प्रशिक्षणमा परेका खेलाडीले प्रति दिन ५०० रुपैयाँ भत्ता पाउने भएका छन्। खेलाडीको डाइट खर्चलाई मध्यनजर गरेर बन्द प्रशिक्षणमा रहेका खेलाडीको दैनिक भत्ता तय गरिएको जानकारी सिंहले दिएका छन्। त्यस्तै यो केवल शुरुवात मात्र रहेको र आगामी दिनमा खेलाडी भत्ता बढ्दै जाने पनि उनले बताएका छन्।