नेपाली टिमको खेल देखेर अष्ट्रेलियाका प्रशिक्षक चकित, भन्छन : ‘नेपाल कमजोर छैन’


खेलकुद

काठमाडौं, जेठ २७ : फिफा विश्वकप २०२२ तथा एसिया कप २०२३ को छनौट खेल अन्तर्गत नेपालले भोली शुक्रवार अस्ट्रेलियासँग प्रतिस्पर्धा गर्दैछ। यो खेल कुवेत सिटीस्थित जाबेर अल अहमद अन्तराष्ट्रिय स्टेडियममा शुक्रबार साँझ९ः४५ बजे हुने छ।

खेलअघि भएको प्रिम्याच कन्फ्रेसमा अष्ट्रेलियाका प्रशिक्षक जर्हाम अर्नाेल्डले नेपाली टोली एकदमै मेहनती रहेको बताएका छन्। उनले आफूहरु नेपालसँग खेल्नका लागि उत्साहित भएको पनि बताए । “नेपाल मेहनती टिम हो।” नेपालले फुटबल खेल्ने तरिकामा परिवर्तन आएको भन्दै उनले थपे, “नेपालविरुद्ध खेल्न हामी उत्साहित छौं।”

आर्नोल्डले नेपालविरुद्धको खेलमा नया खेलाडीलाई मौका दिने कुरा पनि उल्लेख गरे। “हामीसँग २९ जना खेलाडी छन् जसमा ४ जना गोलरक्षक छन्, जो खेले पनि प्रदर्शन भने राम्रो हुनु पर्यो”, आर्नोल्डले भने। नेपाली टोली पहिलेजस्तो नभएको पनि उनले बताए । नेपाललाई आफूहरुले कमजोर नआँकेको उनको भनाइ छ । नेपाल अष्ट्रेलियासँगको पहिलो लेगमा ५–० ले पराजित भएको थियो ।

छनोटको समूह बीमा नेपालको विश्वकपको तेस्रो चरणको छनोटमा पुग्ने सम्भावना सकिको छ । तर एसिया कप २०२३ को ढोका अझै खुल्ला रहेको नेपाली टोली निकै नै बलियो अस्ट्रेलियाको टोली सामु आफ्नो शानको लागि मैदान प्रवेश गर्नेछ।

नेपाली प्रशिक्षकले भने : ‘ भोली अष्ट्रेलियाबिरुद्ध उत्कृष्ट प्रदर्शन गर्दै समर्थकलाई खुसि दिनेछौ’

नेपाली फुटबल टोलीका प्रशिक्षक अब्दुल्लाह अलमुताइरीले अस्ट्रेलियाविरूद्धकाे खेलमा नतिजा भन्दा पनि प्रदर्शन राम्रो बनाउनेमा केन्द्रित हुने बताएका छन्। विश्वकप छनोटको दोस्रो चरणको खेल खेल्न नेपाली टोली कुवेतमा छ। इराकसँग मैत्रीपूर्ण खेल खेलेर कुवेत पुगेको नेपाली टोलीले चाइनिज ताइपेइलाई २-० ले हराएको थियो भने जाेर्डनसँग ३-० ले पराजित भएको थियो। भोलि (शुक्रवार) हुने खेलमा नेपालले समूह बी कै बलियो टोली अस्ट्रेलियासँग खेल्दै छ।

खेलको पूर्व सन्ध्यामा सम्पन्न खेलमा प्रेस कन्फ्रेन्समा अलमुताइरीले अस्ट्रेलियाविरुद्ध नतिजा भन्दा पनि राम्रो खेल प्रस्तुत गर्नेमा केन्द्रित हुने बताए।’आशा छ हामीले अस्ट्रेलियाविरुद्ध राम्रो खेल प्रस्तुत गर्नेछौ।हाम्रो खेल्ने शैलीमा धेरै विकास भएको छ।र समर्थकलाई खुसी पार्न सफल भएका छौँ,’ अलमुताइरीले भने। त्यस्तै अस्ट्रेलियाका प्रशिक्षक ग्राहम अर्नोल्डले नेपाली टोलीले कडा मेहनत गरिरहेको बताउँदै नेपालविरुद्ध खेल्नका लागि आफ्नो टिममा केही परिवर्तन ल्याउने सङ्केत गरे।

‘चार गोलकिपर सहित हामीसँग २९ खेलाडी छन् मेरा लागि यो खेल राम्रो प्रदर्शन का लागि हुनेछ।’ नेपाल र अस्ट्रेलिया कुवेतस्थित जावेर अल अहमेद इन्टरनेसनल स्टेडियममा बेलुकी पौने दश बजे आमने सामने हुनेछन्। यस अघि अस्ट्रेलियामा सप्रन्न खेल मा नेपाल अस्ट्रेलिया सँग ५-० ले पराजित भएको थियो।