टेस्ट च्याम्पियनसिप फाईनल जित्नेले पाउँने पुरस्कार राशि थाहा पाउँदा चक्कर लाग्न सक्छ


क्रिकेट

काठमाडाैं : टेष्ट च्याम्पियनसिपको फाइनल खेल भारत र न्युजिल्याण्डबीच शुक्रबारबाट प्रतिस्पर्धा हुँदैछ। त्यसअघि अन्तर्राष्ट्रिय क्रिकेट परिषद् (आइसिसी) ले विश्व टेष्ट च्याम्पियनसिपको पुरस्कार राशीको घोषणा गरेको छ । इङ्ल्यान्डको ‘साउथह्याम्पटन’मा आयोजना हुने सो फाइनल खेलको विजेताले १८ कराेड ७५ लाख रुपैयाँ ( १.६ मिलियन डलर ) बराबरकाे पुरस्कार रकम पाउने छ ।

यस्तै, उपविजेताले नाै कराेड ३७ लाख (८ लाख अमेरिकी डलर) रुपैयाँ पुरस्कार रकम पाउने छ। च्याम्पियनसिपको अंक तालिका तेस्रो स्थानमा रहेको अष्ट्रेलियाले ४ लाख ५० हजार, चौथो स्थानको इंग्ल्याण्डले ३ लाख ५० हजार पाउने छ। पाँचौं स्थानको पाकिस्तानले २ लाख अमेरिकी डलर पाउने छ।

यस्तै छैटौं, सातौं, आठौं र अन्तिम स्थानमा क्रमशः प्रतियोगिता अन्त्य गरेका दक्षिण अफ्रीका, वेस्ट इन्डिज, श्रीलंका र बंगलादेशले समान १ लाख अमेरिकी डलर पाउने आईसीसीका प्रमुख कार्यकारी अधिकृत जिअफ अलारडाइसले घोषणा गरेका छन् । फाइनल खेल बराबरी भएमा पुरस्कार रकम बाँडिने क्रिकइन्फाेमा उल्लेख छ । शुक्रबारबाट सुरु हुने टेष्ट च्याम्पियनसिप फाइनलको लागि भारत र न्युजिल्याण्ड टोली इंग्ल्यान्डमा आफ्नो तयारी गरिरहेका छन् ।

२२ वर्षपछि न्युजिल्याण्डले इंग्ल्याण्डमा टेष्ट श्रृखंला जित्यो

गत् २२ वर्षमा न्युजिल्याण्ड क्रिकेट टोलिले पहिलो पटक इंग्ल्याण्डलाई उसकै भूमिमा हराएर टेष्ट श्रृखंला जितेको छ । न्युजिल्याण्डले दोस्रो टेष्ट खेल आठ विकेटले जितेको छ । पहिलो टेष्ट खेल बराबरीमा सम्पन्न भएपछि दोस्रो तथा अन्तिम टेष्ट खेल जितेर न्युजिल्याण्डले श्रृखंला १–० ले आफ्नो पक्षमा पार्दै इतिहास कायम गरेको हो ।

इंग्ल्याण्डले प्रस्तुत गरेको ३८ रनको झिनो लक्ष्य न्युजिल्याण्डले चौथो दिनमा मात्र दुई विकेटको क्षतिमा पुरा गरेको हो । इंग्ल्याण्डले भने घरेलु मैदानमा सन् २०१४ पछि पहिलो पटक टेष्ट श्रृखंला गुमाएको हो । सन् २०१४ मा श्रीलङ्काले इंग्ल्याण्डमाथि १–० को जित हात पारेको थियो ।

एजबेस्टनमा पहिला ब्याटिंग गरेको घरेलु टोलिले पहिलो पारीमा ३०३ रनको औसत योगफल तयार गरेको थियो । रोरी बर्नसले ८१ त्था डाँन लौरेन्सले ८१ रनको पारी खेल्दा इंग्ल्याण्ड औसत योगफलसम्म पुग्न सफल भयो । न्युजिल्याण्डका लागि नैल वाग्नर र हेनरी निकोलासले सामान तीन तीन विकेट लिए ।

ज्वाबमा न्युजिल्याण्डले क्रैग योङ्गको ८२, डेभोन कोनवेको ८० र रोस टेलरको ८० रनको सहयोगमा पहिलो पारीमा ३८८ रनको योगफल तयार गर्यो । इंग्लीश बलरमा स्टुअर्ट ब्रोडले सर्बाधिक चार विकेट लिनुभयो । पहिलो पारीमा ८५ रनले पछाडि परको इंग्ल्याण्ड दोस्रो पारीमा मात्र १२२ रनको झिनो योगफलमा समेटिएपछि पाहुना टोलिले ३८ रनको लक्ष्य पाएको थियो । जुन न्युजिल्याण्डले सहजै प्राप्त गर्यो ।