ब्राजिलियन मार्टाले बनाईन् नयाँ बिश्व रेकर्ड जुन पुरुष खेलाडीले सोच्नसम्म सकेका थिएनन्


खेलकुद

काठमाडौं । ब्राजिलले टोकियो ओलम्पिकको महिला फुटबलमा चीनविरुद्ध फराकिलो जित निकालेको छ । मियाङ्गी स्टेडियममा बुधबार भएको खेलमा ब्राजिलले चीनलाई ५–० को गोल अन्तरमा पराजित गरेको हो ।

यो खेलमा चीनविरुद्ध गोल गर्दै ब्राजिलियन फुटबलर मार्टाले ओलम्पिक फुटबलमा नयाँ कीर्तिमान बनाएकी छन् । उनी महिला र पुरुष प्रतिस्पर्धामा लगातार पाँच ‌ओलम्पिकमा गोल गर्ने पहिलो खेलाडी बनिन्।

उनले २००४ देखि लगातार ओलम्पिक खल्दै गोल समेत गरेकी हुन्। ४३ वर्षीय मार्टाले ओलम्पकिमा गोल संख्या ११ पुर्‍याएकी छिन्। ओलम्पिकमा सर्वाधिक गोल गर्नेमा उनी आफ्नै देशकी क्रिस्टियनभन्दा दुई गोलले पछि छिन् । क्रिस्टियनले २००४ देखि २००६ सम्म खेल्दा १४ गोल गरेकी छन् ।

३५ वर्षीया मार्टाले सन् २००२ मा ब्राजिलका लागि डेब्यु गरेकी थिइन् । चीन विरुद्धको खेलपछि उनले ब्राजिलका लागि १६०औं खेल खेल्दै १११ गोल गरिसकेकी छन् । उनी ब्राजिलका लागि सर्वाधिक गोल गर्ने खेलाडी समेत हुन् ।

यस्तै ब्राजिलियन मिडफिल्डर फोर्मिगा सबैभन्दा पाको उमेरमा ओलम्पिक खेल्ने खेलाडी बनेकी छिन् । उनले सन् १९९६ देखि लगातार ओलम्पिक खेल्दै आएकी छन् । फोर्मिगाले लगातार सातौं पटक ओलम्पिक खेलिरहेकी छन् ।