किङ मसि बिना पनि बार्सिलोनाको शानदार जित


खेलकुद

काठमाडौं । स्पेनिस क्लब बार्सिलोनाले प्रि–सिजनको पहिलो मैत्रीपुर्ण खेलमा फराकिलो जीत दर्ता गरेको छ । राति भएको खेलमा बार्सिलोनाले १० खेलाडीमा सीमित तेस्रो डिभिजनको जिम्‍नास्टिकलाई ४–० को फराकिलो अन्तरले हराएको हो ।

बार्सिलोनाको जीतमा सब्सिच्युट खेलाडी रे मानाजले ह्‍याट्रिक गरे भने एलेक्स कोल्लाडोले एक गोल गरेका थिए । सबै गोल दोस्रो हाफमा भएका थिए ।

पहिलो हाफमा बार्सालाई बराबरीमा रोकेपनि पहिलो हाफकै अन्त्यतिर खेलाडीले रातो कार्ड पाएपछि दोस्रो हाफमा एक खेलाडीको अभावमा जिम्‍नास्टिक सम्हालिन सकेन । ३८औं मिनेटमा एलेक्स क्विन्टानिला रातो कार्ड खाँदै मैदानबाट बाहिरिएपछि त्यसको फाइदा बार्सिलोनाले उठाउन सफल भएको थियो ।


खेलको ६०औं मिनेटमा मानाजले गोल गर्दै बार्सिलोनालाई अग्रता दिलाएका थिए । ८५औं मिनेटमा एलेक्स कोल्लाडोले गोल गर्दै बार्सिलोनाको अग्रता दोब्बर पारे । त्यसपछि मानाजले ८६औं र ९० औं मिनेटमा गोल गर्दै ह्याट्रिक पुरा गरेपछि बार्सिलोनाले फराकिलो जित निकाल्न सफल भयो ।

अमेरिकाको ४४ खेलको अविजित यात्रा स्वीडेनद्वारा अन्त्य

संयुक्त राज्य अमेरिकाकी सुपरस्टार स्ट्राइकर मेगन रापिनोले स्वीडेनसँगको पहिलो खेलमै लज्जास्पद पराजय ब्यहोरेपछि आफ्नो टोली निराश बनेको प्रतिक्रिया दिएकी छन् । विश्वकप च्याम्पियन अमेरिकाले ओलम्पिक महिला फुटबलमा स्वीडेनसँग ३–० को हार ब्यहोर्‍यो । स्वीडिस स्ट्राइकर स्टिना ब्ल्याकस्टेनसले दुई गोल गर्दा सब्स्टिच्युड लिना हर्टिङले एक गोल गरिन् ।

यो हारले अमेरिकाको ४४ खेलको कीर्तिमानी अविजित यात्रामा पूर्णविराम लागेको छ । ‘मेराे विचारमा हामी केहि डराएका थियौं । केहि दवावमा थियौं र त्यसैले मैदानभरि ‘बुख्याँचा’जस्तै भयौं,’ रेपिनोले भनिन् ।

स्वीडिस टोली चेल्सीकी कप्तान म्यागडालेना इरिक्सनविना मैदानमा उत्रिएको थियो । जवकि अमेरिकी टोलीमा रोज लेभेल्ले, साम मेविस, एलेक्स मोर्गन, टोविन हेथ, लिन्डसे होरानजस्ता सुपरस्टारहरुले भरिपूर्ण थियो ।

पराजयसँगै अमेरिका प्रतियोगिताबाट बाहिरिएको छ । पाँच वर्ष अघि ब्राजिलमा अमेरिकाले रजत पदक जित्दा क्वाटरफाइनलमा स्वीडेनलाई पेनाल्टीमार्फत पराजित गरेको थियो ।