यी हुन् टोकियो ओलम्पिककी सबैभन्दा कान्छी खेलाडी, गर्न सक्छिन् चमत्कार


खेलकुद

काठमाडौं : टोकियो ओलम्पिकमा यसपटक सिरियाकी १२ वर्षीया हेन्ड जाजा ओलम्पिकमा डेब्यु गर्दै छिन् । उनी टोकियो ओलम्पिककी सबैभन्दा कम उमेरकी खेलाडी हुन् । टेबुल टेनिसको एशियाली छनोट चरणमा ४२ वर्षकी मारिआना शाहाकियनलाई हराएर उनले फेब्रुअरी २०२० मा ओलम्पिकका लागि स्थान पक्का गरेकी हुन् ।

शनिबार टोकियो ओलम्पिकमा जाजाले आफ्नो पहिलो खेल अष्ट्रियाकी लिउ जियासँग प्रतिस्पर्धा गर्दै छिन् । शनिबार ओलम्पिकमा डेब्यु गरेसँगै उनी ओलम्पिक खेल्ने सन् १९६८ यताकै सबैभन्दा कम उमेरकी खेलाडी हुने छिन् ।

सिरि यामा बढ्दो द्व न्द्व र सं कट काल काबीच पनि जाजाले विश्व टेनिसमा आफ्नो नामलाई उचाइमा पुर्‍याउन सफल भइन् । अब उनको लक्ष्य टोकियो ओलम्पिक हो । ‘यो मेरो देश, परिवार तथा सम्पूर्ण साथीहरूका लागि उपहार हो’, जाजले भनिन् ।

जादाले आफ्नो अध्ययन पनि छाडेकी छैनन् । उनी गणितकी राम्रो विद्यार्थी हुन् । उनी चर्चित उपन्यास ह्यारी पोटरका मुख्य पात्र ह्यारी पोटरकी फ्यान हुन् । टोकियो ओलम्पिकमा मेडल जित्नु नै उनको अहिलेको लक्ष्य हो र यसका लागि कडा मेहनत गरिरहेकी छिन् ।

ह्युङ मिन सन टोटनहममै रहने

दक्षिण कोरियाली फरवार्ड ह्युङ मिन सनले टोटनहमसँगको सम्झौता नविकरण गरेका छन् । शुक्रबार इंग्लिस प्रिमियर लिग क्लब टोटनहमले सनले जुन, २०२५ सम्मका लागि नयाँ सम्झौँता गरेको जानकारी दिएको हो । पछिल्लो समय स्ट्राइकर ह्यारी केनले टोटनहम छाड्ने हल्ला चलिरहेका बेला सनले भने लन्डनमै बस्‍ने निधो गरेका हुन् । लगातार प्रभावशाली प्रदर्शन गरिरहेका २९ वर्षीय सनले टोटनहमको जर्सीमा कुल दुई सय ८० खेल खेल्दै एक सय सात गोल गरेका छन् । अगस्ट, २०१५ मा जर्मन क्लब बायर्न लेभरकुजनबाट टोटनहम पुगेका सनको नाममा ६४ असिस्ट पनि छ ।

रोचक के छ भने टोटनहमको नयाँ रंगशालामा पहिलो प्रिमियर लिग तथा च्याम्पियन्स लिग गोल गर्ने खेलाडी पनि सन नै हुन् । डिसेम्बर, २०१९ मा बर्नलीविरुद्ध गरेको गोलले सनलाई पुस्कास अवार्ड पनि जितायो । ‘टोटनहममा मैले छ वर्ष बिताइसकेको छु । क्लबले मप्रति विश्सास देखाएको छ । टोनहम मेरा लागि घर पनि हो । अनि प्रशिक्षकहरू, समर्थक र क्लबका अन्य सदस्य मेरा लागि परिवारका सदस्य हुन् । त्यसकारण म लामो समय यही क्लबमा रहन चाहन्छु,’ सनले भनेका छन् ।

टोटनहमले आफ्नो टिममा केही महत्वपूर्ण परिवर्तन गरेको छ । उल्भ्सका पूर्व प्रशिक्षक नुनो इस्प्रिटो सान्टोलाई टिमको जिम्मेवारी दिइएको छ भने फुटबल निर्देशकमा इटालीका फाबियो पाराटिसी नियुक्त भइसकेका छन् । जसको मुख्य जिम्मेवारी खेलाडी किनबेच गर्दै टिमलाई बलियो बनाउने हो । यस्तोमा सनको सम्झौता नविकरण टोटनहमका लागि महत्वपूर्ण उपलब्धी हो ।