भारतिय अर्वपति मुकेश अम्बानीले जग हसाँउदै भने : ‘अबको २६ वर्षमा भारत, अमेरिका र चीन बराबर धनी हुन्छ’


बिदेश

काठमाडौँ । भारतीय अर्बपति मुकेश अम्बानीले अबको २६ वर्षभित्र भारत, अमेरिका र चीन सरह बराबरी धनी हुने दावी गरेका छन् । भारतको सबैभन्दा धनी र संसारकै अर्बपति अम्बानीले गत तीन दशकमा भारतले अपूर्व आर्थिक सुधार गरेको दावी पनि गरेका छन् ।

तीन दशको सुधारले नागरिकलाई अद्भूत रुपमा फाइदा पुर्‍याएको भन्दै अम्बानीले अब भारतले आफ्नै खालको विकास मोडेल तय गर्नुपर्ने सुझाव पनि दिएका छन् । भारतमा आर्थिक उदारीकरणको तीन दशकसम्बन्धि टाइम्स अफ इन्डियामा लेखिएको लेखमा अम्बानीले सन् २०४७ भित्र भारत, चीन र अमेरिका बराबरसम्पन्न हुने दाबी गरेको बिजनेस स्टाण्डर्डले उल्लेख गरेको हो ।

सन् १९९१ को अभावको अर्थव्यवस्थाबाट सन् २०२१ मा भारत पर्याप्त अर्थव्यवस्थामा परिणत भएको भन्दै उनले सन् २०५१ भित्र भारतलाई दिगो, प्रशंसनीय र समान समृद्धिको अर्थव्यवस्थामा रूपान्तरण गरिनुपर्ने भनेका छन् ।