‘नेईमार एकलकाटे हुन् अरुलाई पास नै दिदैनन्’ (भिडियो हेर्नुस्)


खेलकुद

काठमाडौँ । पिएसजीका दुई सुपरस्टारबीच नयाँ विवाद शुरु भएको छ । किलियन एम्बाप्पेले नेइमारमाथि आफुलाई बल पास नदिएको आरोप लगाएका छन् ।  शनिबार राति मोन्टपिल्ल्लीएरबीचको खेलमा सम्ब्सटिच्युट भएपछि एम्बाप्पेले अर्का खेलाडी इड्रीसा गुएयेसँग नेइमारले आफुलाई बल पास नदिएको बताइरहेको भिडियो क्लिप अहिले भाइरल भएको छ ।

पिएसजीले २-० ले जितेको सो खेलमा इड्रीसाले एक गोल गरेका थिए भने अर्को गोल नेइमारकै असिस्टमा जुलियन ड्राक्सलरले गरेका थिए । एम्बापेले नेइमारमाथि अपशब्दको समेत प्रयोग गरेको भिडियोमा देखिएको छ । सो खेलमा एम्बाप्पे ८८औ मिनेटमा मैदान बाहिर आएका थिए ।

यस खेलमा एम्बाप्पेले गोल गर्ने तीन अवसर पाउदा पनि गोल गर्न असफल भएका थिए । पछिल्ला चार खेलमा गोल गर्न नसकेका एम्बाप्पे दबाबमा रहेको उनको नेइमारप्रतिको टिप्पणीबाट बुझ्न सकिने विश्लेषण गरिएको छ ।

पिएसजीमा आफ्नो सम्झौता नवीकरण नगरेका एम्बाप्पे आउदो सिजनमा रियल म्याड्रिड जान सक्ने अनुमान गरिएको छ । एम्बाप्पेले यस सिजनमा लिग वानमा ८ खेलमा ४ गोल गरेका छन् ।