सन्दीपको पुर्व क्लब दिल्लीको ब्याटिङ सुपर फ्लप, कोलकत्तालाई दियो १२८ रनको झिनो लक्ष्य


क्रिकेट

काठमाडौं । इन्डियन प्रिमियर लिग (आईपीएल) टी–ट्वान्टी क्रिकेट अन्तर्गत दिल्ली क्यापिटल्सले कोलकाता नाइट राइडर्सलाई १२८ रनको लक्ष्य दिएको छ । सारझा क्रिकेट स्टेडियममा भएको खेलमा टस हारेर पहिले ब्याटिङ गरेको दिल्लीले निर्धारित २० ओभरमा ९ विकेट गुमाएर १२७ रन बनायो ।

दिल्लीका लागि कप्तान रिषव पन्तले सर्वाधिक ३९ रनको योगदान गरे । त्यस्तै स्टिभ स्मिथले ३९ रन बनाउँदा शिखर धावनले २४ रनको योगदान गरे । बलिङतर्फ कोलकाताका लागि सुनिल नारायण, लकि फग्युसन, र भेन्कटे एैरले टिम साउथगेटले समान दुई–दुई विकेट लिए । त्यस्तै टिम साउथेले एक विकेट लिए ।

आजको खेलमा जित निकाल्दै दिल्ली अंक तालिकाको शीर्ष स्थानमा पुग्ने योनजनामा रहेको छ । लिगमा १० खेल खेलेको दिल्ली १६ अंकका साथ तालिकाको दोस्रो स्थानमा छ । आजको खेलमा जित निकाल्न सकेमा दिल्ली शीर्ष स्थानमा पुग्नेछ । शीर्ष स्थानमा रहेको चेन्नईको १६ अंक छ । यता कोलकाकता अघिल्लो चरण प्रवेशको सम्भावना बलियो बनाउने योजनामा छ । आजको खेलमा जित निकाल्न सकेमा कोलकातालाई अघिल्लो चरण प्रवेशमा सहज हुनेछ ।

कोलकाताको प्लेइङ–११ : वेन्कटेश अय्यर, शुभमन गिल, राहुल त्रिपाठी, नीतीश राणा, इयोन मोर्गन, दिनेश कार्तिक, टिम साउथी, सुनील नारायण, लकी फर्ग्युसन, वरुण चक्रवर्ती र सन्दीप वारियर।

दिल्लीको प्लेइङ–११ : शिखर धवन, श्रेयस अय्यर, ऋषभ पन्त, शिमरोन हेटमायर, स्टिभ स्मिथ, ललित यादव, अक्षर पटेल, रवीचन्द्रन अश्विन, कागिसो रबाडा, आवेश खान र एनरिको नोर्किया।