नेपाल आइडलबाट सन्ध्या जोशी बाहिरिइन्


मनोरन्जन

काठमाडौँ : एपी वान टिभीबाट प्रसारण भइरहेको रियालिटी शो नेपाल आइडलबाट सन्ध्या जोशी यो साता बाहिरिएकी छिन्। धनगढीकी २३ वर्षिया जोशी यसअघि पनि पटक पटक डेन्जर जोनमा पर्दै आएकी भए पनि बचेकी थिइन्। यो साता भने उनी बाहिरिइन्।

दर्शकको कम भोटका आधारमा प्रताप दास, सन्ध्या जोशी र सुजाता पाण्डे बटम थ्रीमा परेका थिए। सुजाता पहिलो पटक बटम थ्रीमा परेकी थिइन्।काठमाडौँबाट अडिसन दिएकी सन्ध्या त्रिवि चिकित्सा शास्त्र अध्ययन संस्थान (आइओएम) मा जनस्वास्थ्य (पब्लिक हेल्थ) चौथो वर्षमा अध्ययनरत छिन्।

औपचारिक रुपमा कसैसँग पनि संगीत नसिकेकी सन्ध्याले सानैदेखि टिभी र एफएम सुनेर गीत गाउन थालेकी थिइन्।

नेपाल आइडलमा अब बुद्ध लामा, उल्सन श्रेष्ठ, सुरज थापा, प्रताप दास, सागर आले र निशान भट्टराई पुरुष र सुजाता पाण्डे अनि प्रमिला राई महिला प्रतियोगी बाँकी रहेका छन्। हरेक हप्ता एक प्रतियोगी आउट हुँदै टप थ्रीमा रहेका तीन जना प्रतिस्पर्धीबीच नेपाल आइडलको उपाधिका लागि प्रतिस्पर्धा हुनेछ।