एसेज शिरिज : पहिलो टेस्टमा अस्ट्रेलिया जिततर्फ अग्रसर


क्रिकेट

ब्रिसवेन । प्रारम्भिक ब्याट्सम्यान जोडी डेविड वार्न र क्यामरुन बेनक्रोफ्टले नटआउट शतकीय साझेदारी गरेपछि अस्ट्रेलिया इंग्ल्यान्डविरुद्धको पहिलो टेस्टमा निश्चित जितको संघारमा पुगेको छ ।

सिरिजमा १–० ले अग्रता लिन अस्ट्रेलियालाई थप ५६ रनको मात्र आवश्यकता छ । इंग्ल्यान्ड आफ्नो दोस्रो इनिङ्समा ७१.४ ओभर मात्र टिकेर १ सय ९५ रनमा अलआउट भएको थियो ।

यस्तोमा अस्ट्रेलियाले जितका लागि १ सय ७० रनको लक्ष्य पाएको थियो । यसका लागि अस्ट्रेलियाले दिनको अन्त्यतिर ३४ ओभर खेल्ने मौका पाएको थियो ।

दिनको खेल समाप्त हुँदा अस्ट्रेलिया विना विकेटको क्षति १ सय १४ रनको स्थितिमा छ । वार्नर ६० र बेनक्राफ्ट ५१ रन बनाएर खेलिरहेका छन् । हेर्नुस यो खेलका फोटो फिचरहरु